ಉಚಿತ ಕನ್ನಡ ತಂತ್ರಾಂಶಗಳು

ಕಂಪ್ಯು ಕ್ವಿಜ್ (ಕನ್ನಡದಲ್ಲಿ ಕ್ವಿಜ್ ಕಾರ್ಯಕ್ರಮ)
ಕಂಪ್ಯು-ಕ್ವಿಜ್ ಕಾರ್ಯಕ್ರಮದಲ್ಲಿ ನಿಮಗೆ ಗಣಕ ಕ್ಷೇತ್ರಕ್ಕೆ ಸಂಬಂಧ ಪಟ್ಟ ಪ್ರಶ್ನೆಗಳನ್ನು ಕೇಳಲಾಗುತ್ತದೆ ಮತ್ತು ೪ ಆಯ್ಕೆಗಳನ್ನು ಕೊಡಲಾಗುತ್ತದೆ, ಸರಿಯಾದ ಆಯ್ಕೆಯನ್ನು ಆಯ್ದಲ್ಲಿ ನಿಮಗೆ ೧೦ ಅಂಕಗಳು ಲಭಿಸುತ್ತವೆ. ಈ ಕಾರ್ಯಕ್ರಮದಿಂದ ನಿಮ್ಮ ಗಣಕ ಕ್ಷೇತ್ರದ ಜ್ಞಾನವನ್ನು ಮತ್ತಷ್ಟು ವೃದ್ಧಿಸಿಕೊಳ್ಳಲು ಸಹಕಾರಿಯಾಗುತ್ತದೆ
ಗಣಕ ಉದ್ಘಾಟನಾ ತಂತ್ರಾಂಶ
ಶಾಲಾ-ಕಾಲೇಜುಗಳಲ್ಲಿ, ಸಂಘ-ಸಂಸ್ಥೆಗಳಲ್ಲಿ ಮತ್ತು ವಿವಿಧ ಕಾರ್ಯಕ್ರಮದಲ್ಲಿ ಗಣ್ಯರಿಂದ ಗಣಕ ಯಂತ್ರಗಳನ್ನು ಉದ್ಘಾಟಿಸುತ್ತಾರೆ ಆಗ ಕೇವಲ ರಿಬ್ಬನ್ ಅನ್ನು ಕತ್ತರಿಸುವ ಮೂಲಕ ಈ ಉದ್ಘಾಟಿಸಲಾಗುತ್ತದೆ. ಇದರ ಜೊತೆಗೆ ಕಾರ್ಯಕ್ರಮಕ್ಕೆ ಬಂದ ಗಣ್ಯರಿಗೆ ಗಣಕ ಪರದೆಯ ಮೇಲೆ ಜ್ಯೋತಿ ಬೆಳಗಿಸುವ ಅವಕಾಶ ನೀಡಿದರೆ ಆ ಕಾರ್ಯಕ್ರಮಕ್ಕೆ ಮತ್ತಷ್ಟೂ ಮೆರಗು ಬರುತ್ತದೆ. ಎಂದರೆ "ಗಣಕವನ್ನು ಉದ್ಘಾಟಿಸುವಾಗ ಗಣಕ ಯಂತ್ರದ ಪರದೆಯ ಮೇಲೆ ಜ್ಯೋತಿಯನ್ನು ಬೆಳಗಿಸುವುದೇ ಈ ತಂತ್ರಾಂಶದ ಮುಖ್ಯ ಉದ್ದೇಶ".
ಕನ್ನಡ ಹಾರ್ಡ್‌ಡಿಸ್ಕ್ ವಿಜೆಟ್ ೧.೦
ಕನ್ನಡ ಹಾರ್ಡ್ ಡಿಸ್ಕ್ ವಿಜೆಟ್‌ ಒಂದು ಉಚಿತ ತಂತ್ರಾಂಶವಾಗಿದ್ದು ಇದರಿಂದ ನೀವು ಸುಲಭವಾಗಿ ಹಾರ್ಡ್ ಡಿಸ್ಕ್‌ಗಳನ್ನು ತೆಗೆಯಬಹುದು. ಇದು ಚಿಕ್ಕ ತಂತ್ರಾಂಶವಾಗಿದ್ದು ಉಪಯುಕ್ತವಾಗಿದೆ.
ದಿನ ಮಾಹಿತಿ ೩.೦
ದಿನ ಮಾಹಿತಿ ತಂತ್ರಾಂಶದಿಂದ ನೀವು ಸಮಯ, ದಿನಾಂಕ ಮತ್ತು ವಾರ ಇವುಗಳನ್ನು ಕನ್ನಡದಲ್ಲಿ ನೋಡಬಹುದು ಮತ್ತು ಆ ದಿನದ ವಿಶೇಷತೆಯನ್ನು ನೋಡಬಹುದು (ಉದಾ: "ಇಂದು ಕ್ರೀಡಾ ದಿನ"). ಪ್ರತೀ ಗಂಟೆಗೊಮ್ಮೆ ಇದು ಸಮಯವನ್ನು ತೋರಿಸಿ ಶುಭಾಶಯವನ್ನು ಸೂಚಿಸುತ್ತದೆ.
ಕನ್ನಡ ಜಾಲತಾಣ ನಿರ್ವಾಹಕ ೨.೦.೦
ಕನ್ನಡ ಜಾಲತಾಣ ನಿರ್ವಾಹಕ ತಂತ್ರಾಂಶದಲ್ಲಿ ತಾವು ಜಾಲತಾಣ ವಿಳಾಸ (Website URLs) ಗಳನ್ನು ಉಳಿಸಿಕೊಳ್ಳಬಹುದು. ಇಷ್ಟೇ ಅಲ್ಲದೇ ಇದರಲ್ಲಿ ತಾವು ಆ ಜಾಲತಾಣದ ವಿ-ಅಂಚೆ ಮತ್ತು ರೇಟಿಂಗ್ ಅನ್ನೂ ಸಹ ಉಳಿಸಿಕೊಳ್ಳಬಹುದು
ಗಣಕ ನಿಘಂಟು ೨.೦.೦
ಗಣಕ ನಿಘಂಟು ಈ ತಂತ್ರಾಂಶವು ಗಣಕ ಯಂತ್ರಕ್ಕೆ ಸಂಬಂಧಿಸಿದ ಆಂಗ್ಲ ಪದಗಳ ಕನ್ನಡದ ಅನುವಾದವನ್ನು ನೀಡುತ್ತದೆ. ಈ ಆವೃತ್ತಿಯಲ್ಲಿ ಸುಮಾರು ೧೦೨೯ ಪದಗಳಿದ್ದು ನೀವು ಬಯಸಿದ ಆಂಗ್ಲ ಶಬ್ದಕ್ಕೆ ೧ ರಿಂದ ೨ ಕನ್ನಡ ಅನುವಾದಿತ ಪದಗಳನ್ನು ಸೂಚಿಸುತ್ತದೆ.