ಹೆಡ್ಫೋನ್ ಹೆಚ್ಚು ಬಳಸಿದರೆ ಕಿವಿಗೆ ಹಾನಿ

* ಕಿವಿಗೆ ಹೆಡ್ಫೋನ್ ಹಾಕಿಕೊಂಡು ಹಾಡು ಕೇಳುತ್ತಾ ಹಳಿ ದಾಟಬೇಕಾದರೆ ರೈಲು ಡಿಕ್ಕಿ ಹೊಡೆದು ಮೂವರು ಮೃತಪಟ್ಟ ಪ್ರತ್ಯೇಕ ಪ್ರಕರಣ ಇತ್ತೀಚೆಗೆ ಬೆಂಗಳೂರಿನಲ್ಲಿ ದಾಖಲಾಗಿತ್ತು. ಅಂದರೆ ಹೆಡ್ಫೋನ್ ಹಾಕಿಕೊಂಡು ತಮ್ಮ ಪ್ರಾಣಕ್ಕೆ ಸಂಚಾಕಾರ ತಂದುಕೊಂಡ ಇವರೆಲ್ಲರೂ 20ರಿಂದ 30 ವರ್ಷದೊಳಗಿನವರು.
* ಬಸ್ಸಿನಲ್ಲೂ ಹೆಡ್ಫೋನ್ ಕಚಚಿಕೊಂಡಿರಬೇಕು, ಮೈಕಲ್ ಜಾಕ್ಸನ್ ಸ್ಟೈಲ್ನಲ್ಲಿ ಕಾಲು ಕುಣಿಸುವ ಯುವಕನನ್ನು ಕಂಡು ಪಕ್ಕದಲ್ಲಿದ್ದ ಅಜ್ಜನಿಗೂ ಉಮೇದು ! ರಸ್ತೆಯಲ್ಲಿ ಹೋಗುವಾಗ ಮ್ಯೂಸಿಕ್ನಲ್ಲಿ ಪರವಶನಾದ ಹುಡುಗ, ಎದುರು ಬಂದವರಿಗೆ ಡಿಕ್ಕಿ ಹೊಡೆದು ‘ಸಾರಿ ಯಾರ್…’ ಎನ್ನುತ್ತಲೇ ಇಯರ್ಫೋನ್ ಸರಿಪಡಿಸಿಕೊಳ್ಳುತ್ತ ಸಾಗುತ್ತಾನೆ. ಎಲ್ಲೆಡೆ ಕಾಣುವ ಹೆಡ್ಫೋನ್ ಮಾಯೆಯ ಸನ್ನಿವೇಶಗಳಿವು. 

ಆದರೆ ಈ ಮೋಹದ ಬಲೆ ಸರಿಸಿದಗ ಕೇಳುವುದೇ ಬೇರೆ.
ಇಪ್ಪತ್ತು ವರ್ಷದ ರೋಹನ್ ಈಚೆಗೆ ಟೀವಿ ನೋಡುವಾಗ ವಾಲ್ಯೂಮ್ ಅನ್ನು ಗರಿಷ್ಠ ಮಾಡಿಡುತ್ತಿದ್ದ. ಕಡಿಮೆ ಮಾಡು ಎಂದು ಅಪ್ಪ, ಅಮ್ಮ ಹೇಳಿದರೆ ಕಿವಿಗೇ ಹಾಕಿಕೊಳ್ಳುತ್ತಿರಲಿಲ್ಲ. ಅವರೇನಾದರೂ ಸೌಂಡ್ ಕಡಿಮೆ ಮಾಡಿದರೆ ಕೇಳಿಸುವಿದಲ್ಲ ಎಂದು ತಕರಾರು ಮಾಡುತ್ತಿದ್ದ. ಈ ಸಮಸ್ಯೆಯ ರಹಸ್ಯೆ ಅರಿಯಲು ಇಎನ್ಟಿ ಸ್ಪೆಷಲಿಸ್ಟ್ ಬೇಕಾಯಿತು.
ಟೀನೇಜ್ನವರಲ್ಲಿ ಕಿವುಡುತನ ಸಂಬಂಧಿ ತೊಂದರೆಗಳು ಹೆಚ್ಚುತ್ತಿವೆ ಎಂಬುದು ವೈದ್ಯರ ಆತಂಖ. ಕಳೆದೆರಡು ದಶಕಗಳಿಂದ ಇದು ಗಮನಾರ್ಹವಾಗಿ ಏರಿದೆ.
55 ವಯಸ್ಸಿನ ನಂತರ ಕಿವಿ ಮಂದವಾಗುವ ವಯೋಸಹಜ, ರಕ್ತನಾಳಗಳು ದಪ್ಪವಾಗತೊಡಗಿರುವುದರಿಂದ ಕ್ರಮೇಣ ಶ್ರವಣ ತೊಂದರೆ, ಅಂದರೆ ವರ್ಷಕ್ಕೆ ಒಂದು ಡೆಸಿಬಲ್ನಷ್ಟು ಕಿವುಡತನ ಉಂಟಾಗುತ್ತದೆ. ಈ ಲೆಕ್ಕದಲ್ಲಿ 65 ಆಗುವ ಹೊತ್ತಿಗೆ ಸುಮಾರು 10 ಡೆಸಿಬಲ್ನಷ್ಟು ಕಿವುಡುತನ ಉಂಟಾಗುವುದು ಕಳವಳದ ವಿಚಾರವೇನಲ್ಲ.
ಈಗ ಹದಿಹರೆಯದವರು ಮತ್ತು ಯುವಜನರಲ್ಲೂ ಕಿವುಡುತನ ಸಮಸ್ಯೆ ಕಾಣಿಸುತ್ತಿದೆ. ತಂಬಾಕು ಬಳಕೆಯಿಂದ ನರದ ಮೇಲೆ ದುಷ್ಪರಿಣಾಮ ಉಂಟಾಗುತ್ತದೆ. ಲೌಡ್ ಮ್ಯೂಸಿಕ್ನಿಂದ ಕಿವಿಯ ಒಳಭಾಗಕ್ಕೆ ಹಾನಿಯಾಗುತ್ತದೆ. ಮೊಬೈಲ್ ಫೋನ್ ಅತಿ ಬಳಕೆಯೂ ಈ ತೊಂದರೆಗೆ ಕೊಡುಗೆ ನೀಡುವಲ್ಲಿ ಒಂದು ಮುಖ್ಯ ಕಾರಣ ಎಂದು ವೈದ್ಯರು ವಿಶ್ಲೇಷಿಸುತ್ತಾರೆ.
ದೊಡ್ಡ ಸದ್ದಿಗೆ ಹೆಚ್ಚು ಹೊತ್ತು ಕಿವಿಗೊಟ್ಟಷ್ಟು ದುಷ್ಪರಿಣಾಮ ಹೆಚ್ಚುತ್ತದೆ. ವ್ಯಕ್ತಿ ಸಣ್ಣ ವಯಸ್ಸಿನಲ್ಲೇ ಶ್ರವಣ ತೊಂದರೆ ಅನುಭವಿಸುವಂತಾಗುತ್ತದೆ.
ಇನ್ನೊಂದು ಅಪಾಯಕಾರಿ ಬೆಳವಣಿಗೆಯೆಂದರೆ ಐಪಾಡ್ ಮತ್ತು ಮೊಬೈಲ್ ಫೋನ್ ಮುಂತಾದ ಪೋರ್ಟಬಲ್ ಗ್ಯಾಜಿಟ್ಗಳ ಜನಪ್ರಿಯತೆ ಹೆಚ್ಚಿದೆ. ಹೀಗಾಗಿ ಕಿವಿಗೆ ಲೌಡ್ಸ್ಪೀಕರ್ಗಳಿಗಿಂತ ಹೆಡ್ಫೋನ್ಗಳಿಂದಾಗುವ ಹಾನಿಯ ಸಾಧ್ಯತೆಯೇ ಹೆಚ್ಚು ಎಂಬುದು ತಜ್ಞರ ವ್ಯಾಖ್ಯಾನ. ಸದ್ದಿನ ಮಟ್ಟ ಹೋಲಿಕೆಯಲ್ಲಿ ಒಂದೇ ಇದ್ದರೂ ಮೈಕಾಸುರನಿಗಿಂತ , ಹೆಡ್ಫೋನ್ನಿಂದ ಕಿವಿಗೆ ಆಗುವ ಡ್ಯಾಮೇಜ್ ಹೆಚ್ಚು. ಏಕೆಂದರೆ ಹೆಡ್ಫೋನ್ ಅಥವಾ ಇಯರ್ಫೋನ್ ಕಿವಿಯೊಳಗೇ ಎಂಟ್ರಿ ಪಡೆದಿರುತ್ತವೆ. ಹೆಡ್ಫೋನ್ ಬಳಕೆ ಹೆಚ್ಚಿದ್ದರಿಂದ ಶ್ರವಣ ಸಮಸ್ಯೆಗಳೂ ಹೆಚ್ಚಿವೆ ಎಂಬುದನ್ನು ಇಎನ್ಟಿ ತಜ್ಞರು ಹೇಳುತ್ತಾರೆ.

 

ಎಚ್ಚರ

ನಮ್ಮ ನಿತ್ಯ ಜೀವನದಲ್ಲಿ ಕಿವಿಗೊಡಬೇಕಾದ ಸದ್ದುಗಳ ಬಗೆ ಮತ್ತು ಪ್ರಮಾಣ 60 ಡೆಸಿಬಲ್. ಮಾಮೂಲು ಸಂಭಾಷಣೆ, ಟೆಲಿಫೋನ್ ರಿಂಗಿಂಗ್, 70 ಡೆಸಿಬಲ್, ರೆಸ್ಪಾರಂಟ್ 80 ಡೆಸಿಬಲ್, ಹೆವಿ ಟ್ರಾಫಿಕ್, 2 ಅಡಿ ದೂರದಲ್ಲಿರುವ ಅಲರ್ಮ್ ಕ್ಲಾರ್ಕ್, ಫ್ಯಾಕ್ಟರಿ ಸದ್ದು, ವಾಕ್ಯೂಮ್ ಕ್ಲೀನರ್, 90 ಡೆಸಿಬಲ್: ಭೂಗತ ರೈಲು, ಮೋಟಾರ್ ಸೈಕಲ್, ವರ್ಕ್ ಷಾಪ್ ಟೂಲ್ಸ್, ಚೈನು, ಗರಗಸ, 110 ಡೆಸಿಬಲ್, ಡಾನ್ಸ್ ಕ್ಲಬ್ ಸೌಂಡ್, 120 ಡೆಸಿಬಲ್ :ರಾಕ್ ಕಾರ್ಯಕ್ರಮದ ಸ್ಪೀಕರ್ ಸದ್ದು ಸ್ಯಾಂಡ್ಬ್ಲಾಸ್ಟರ್, ಸಿಡಿಲು, 130 ಡೆಸಿಬಲ್ : ಜೆಟ್ ಟೇಕಾಫ್, ಬಂದೂಕಿನ ಸದ್ದು .

ಅತಿಯಾದ ಮೊಬೈಲ್ ಬಳಕೆ: ಆರೋಗ್ಯದಲ್ಲಿ ಆಗುತ್ತದೆ ತೊಂದರೆ

ಕಸ ಗುಡಿಸುವವರಿಂದ ಹಿಡಿದು ಆಫೀಸರ್ಗಳವರೆಗೆ ಮೊಬೈಲ್ ಬಳಕೆ ಅನಿವಾರ್ಯವಾಗಿದೆ. ಸೈಕಲ್ ತುಳಿಯುವವನಿಂದ ಹಿಡಿದು ಮರ್ಸಿಡಿಸ್ ಬೆಂಜ್ ಕಾರಿನಲ್ಲಿ ಓಡಾಡುವವರಿಗೂ ಚಲಿಸುವ ದೂರವಾಣಿ ಬೇಕೇ ಬೇಕು.
ಮೊಬೈಲ್ ಅನ್ನು ನಾವು ಎಷ್ಟು ಅವಲಂಬಿಸಿದ್ದೇವೆಂದರೆ ಹೆಂಡತಿ, ಪ್ರಿಯಕರ , ಸ್ನೇಹಿತ ಬೇಕಾದರೆ ಮನೆಯವರನ್ನು ಬಿಟ್ಟೇವು ಆದರೆ ಹ್ಯಾಂಡ್ ಫೋನ್ ಮಾತ್ರ ಬಿಡಲೊಲ್ಲೇವು ಎನ್ನುವವರೇ ಇಂದು ಹೆಚ್ಚಾಗಿದ್ದಾರೆ. ಅಷ್ಟರ ಮಟ್ಟಿಗೆ ಇದು ಜನಮಾನಸವಾಗಿದೆ. ಸ್ವಲ್ಪ ಹೊತ್ತು ಇದು ಇಲ್ಲದಿದ್ದರೆ ಚಡಪಡಿಸಿಬಿಡುತ್ತೇವೆ. ಏನೋ ಕಳೆದುಕೊಂಡ ಭಾಸ. ಏಕೆಂದರೆ ಇದೇ ನಮ್ಮ ಮನರಂಜನಾ, ಸಂಗಾತಿ, ಫ್ರೆಂಡ್, ಫಿಲಾಸಫರ್, ಗೈಡ್ ಹೀಗೆ ಹತ್ತು ಹಲವು.
ಒಂದು ಸೆಲ್ಫೋನ್ ಎಂಬುದು ಕಂಪ್ಯೂಟರ್, ಇಂಟರ್ನೆಟ್, ಮ್ಯೂಸಿಕ್ಪ್ಲೇಯರ್, ಟಿವಿ ಎಲ್ಲವೂ ಹೌದು. ಸೆಲ್ ಇದೆ ಎಂದೇ ವಾಚ್ ಕಟ್ಟುವುದನ್ನು ಬಿಟ್ಟಿದ್ದೇವೆ, ಕ್ಯಾಲ್ಕ್ಯುಲೇಟರ್ , ಅಲಾರಾಂ ಇಡುವುದನ್ನು ಬಿಟ್ಟಿದ್ದೇವೆ. ಹೀಗಾಗಿ ಸೆಲ್ ಫೋನ್ ಬಳಕೆ ಬಗ್ಗೆ ಯಾರು , ಏನು ಎಷ್ಟು ಎಚ್ಚರಿಕೆ ಹೇಳಿದರೂ ಅದು ಕೇಳಿದಷ್ಟೇ ಹೊತ್ತು ಎನ್ನುವುದು ಗೊತ್ತಿದೆ. ಆದರೂ ಅದರ ರೇಡಿಯೇಷನ್ ಬಗ್ಗೆ ದೀರ್ಘಾವಧಿಯಲ್ಲಿ ಅದರಿಂದಾಗುವ ತೊಂದರೆಗಳ ಬಗ್ಗೆ ಎಚ್ಚರಿಸುವುದು ತಪ್ಪಾಗಲಿಕ್ಕಿಲ್ಲವೇನೋ.
ನಾವು ಮೊಬೈಲ್ಗೆ ಎಷ್ಟು ಅಂಟಿಕೊಂಡಿದ್ದೀವೋ ಅಷ್ಟೇ ತೊಂದರೆಗಳು ಎದುರಿಸಬೇಕಾಗುತ್ತದೆ ಎಂದು ತಜ್ಞರು ಹೇಳಿದರೂ ಯಾರೂ ತಲೆಕೆಡಿಸಿಕೊಂಡಂತಿಲ್ಲ. ಹ್ಯಾಂಡ್ಫೋನ್ ಹೆಚ್ಚು ಬಳಕೆಯಿಂದಾಗುವ ದುಷ್ಪರಿಣಾಮಗಳ ಕುರಿತು ಒಂದು ಕಿರು ಮಾಹಿತಿ ಇಲ್ಲಿದೆ.
* ನಮ್ಮ ದೇಹದ ಉಷ್ಣತೆ ಸೆಲ್ಫೋನ್ನಿಂದ ಹೆಚ್ಚಾಗುತ್ತದೆ. ಅದರಿಂದ ಹೊರಸೂಸುವ ರೇಡಿಯೋ ತರಂಗಗಳನ್ನು ಹೆಚ್ಚು ಹೀರಿಕೊಳ್ಳುವ ದೇಹದ ಭಾಗ ಎಂದರೆ ತಲೆ ಹಾಗೂ ಕತ್ತು. ಅಧಿಕ ಬಳಕೆಯಿಂದ ಜೀವಕೋಶ ಹಾಗೂ ಅಂಗಾಂಶಗಳ ಮೇಲಿನ ಅಪಾಯ ದ್ವಿಗುಣಗೊಳ್ಳುತ್ತದೆ.

* ಗರ್ಭಿಣಿಯರು ಸೆಲ್ಫೋನ್ ಬಳಕೆ ಮಾಡಿದರೆ ಹಾನಿ ಎನ್ನುವುದು ಬಹುತೇಕ ಎಲ್ಲರಿಗೂ ಗೊತ್ತು. ಆದರೆ ಅದು ಕ್ರಮೇಣ ಸಂತಾನೋತ್ಪತ್ತಿಯ ಮೇಲೂ ಪರಿಣಾಮ ಬೀರುತ್ತದೆ. ಗರ್ಭದಲ್ಲಿರುವ ಭ್ರೂಣ ಸರಿಯಾಗಿ ಬೆಳೆಯದಂತೆ ಮಾಡಬಲ್ಲದು. ಇಲ್ಲವಾದಲ್ಲಿ ಏನಾದರೂ ತೊಂದರೆ ಕಂಡುಬರುವುದು.
* ಮಿದುಳಿಗೆ ಹೆಚ್ಚಿನ ಕೆಲಸ ನೀಡಿ ಅಲ್ಲಿನ ಕೋಶಗಳ ಮೇಲೆ ಒತ್ತಡ ಹೆಚ್ಚಿಸಬಹುದು. ನಿದ್ರೆಯಲ್ಲಿ ವ್ಯತ್ಯಾಸ ಕಂಡು ಬಂದರೆ ತಕ್ಷಣವೇ ಎಚ್ಚೆತ್ತುಕೊಳ್ಳುವುದು ಒಳಿತು.
* ಮಕ್ಕಳಲ್ಲಿ ನರಗಳ ಬೆಳವಣಿಗೆ ಆಗುತ್ತಿರುತ್ತದೆ. ನರಮಂಡಲದ ರಚನೆ ಇನ್ನೂ ಬೆಳವಣಿಗೆ ಹಂತದಲ್ಲಿರುವಾಗ ಮೊಬೈಲ್ ಬಳಕೆಯಾದರೆ ಅಲ್ಲಿನ ನರಗಳು ಶಕ್ತಿಹೀನವಾಗುತ್ತವೆ. ಇದು ಮುಂದೆ ಸ್ಮರಣ ನಾಶ. ಕಲಿಕೆಯ ತೊಂದರೆ ಹಾಗೂ ನಡವಳಿಕೆಯ ಸಮಸ್ಯೆಗಳು ತಲೆದೋರಬಹುದು.
*ಸೆಲ್ಫೋನ್ ಹಾಗೂ ಇದರ ಟವರ್ಗಳಿಂದ ಹೊರಬರುವ ವಿಕಿರಣಗಳಿಂದ ಡಿಎನ್ಎ ಕಣಗಳಿಗೆ ತೊಂದರೆಯಾಗುತ್ತದೆ. ಮಿದುಳಿನ ಫ್ರೀ ರ್ಯಾಡಿಕಲ್ಸ್ ಹಾಗೂ ಸ್ಪೈಸ್ ಪ್ರೊಟೀನ್ಸ್ ಮೇಲೆ ಪರಿಣಾಮ ಉಂಟಾಗಿ ವ್ಯವಸ್ಥೆಗೆ ಹಾನಿಯಾಗುತ್ತದೆ. ಇದರಿಂದ ಮರೆವು, ಪಾಶ್ವವಾಯು, ಮಲ್ಪಿಪಲ್ ಸ್ಲೈರೊಸಿಸ್ ಮತ್ತಿತರ ಸಮಸ್ಯೆ ಉಂಟಾಗಬಹುದು.
* ಸುಮಾರು 10 ವರ್ಷಕ್ಕೂ ಹೆಚ್ಚು ಕಾಲ ಮಿತಿ ಮೀರಿ ಸೆಲ್ ಫೋನ್ ಬಳಕೆಯಿಂದ ಕಿವಿಗಳಲ್ಲಿ ಗಡ್ಡೆ ಉಂಟಾಗುವ ಅಪಾಯ ನಾಲ್ಕು ಪಟ್ಟು ಹೆಚ್ಚು ಮೆದುಳು ಕ್ಯಾನ್ಸರ್ನ ಅಪಾಯ ಎರಡು ಪಟ್ಟು ಜಾಸ್ತಿ. ಕಿವಿ ಸಂಪೂರ್ಣವಾಗಿ ತನ್ನ ಶಕ್ತಿ ಕಳೆದುಕೊಳ್ಳಬಹುದು.
ಅದಕ್ಕಾಗಿಯೇ ಈ ಬಗ್ಗೆ ಬೆಳಕು ಚೆಲ್ಲುವ ಪ್ರಯತ್ನ. ನೋಡಿ ಈಗಲಾದರೂ ಸೆಲ್ ಫೋನ್ ಬಳಕೆ ಪೂರ್ಣ ಬಿಡಿ ಎನ್ನಲಾಗುವುದಿಲ್ಲ. ಸ್ವಲ್ಪ ಮಟ್ಟಿಗಾದರೂ ಕಡಿಮೆ ಮಾಡಿ. ಆರೋಗ್ಯ ಚನ್ನಾಗಿಟ್ಟುಕೊಳ್ಳಿ .

ಆಟೋ ರಾಜ ಶಂಕರ್ ನಾಗ್

ಕರಾಟೆ ಕಿಂಗ್ ಸಕಲ ಕಲಾ ನಿಸ್ಸೀಮ ಆಟೋ ರಾಜ ಶಂಕರ್ ನಾಗ್ ನಮ್ಮನ್ನಗಲಿ ೨೧ ವರ್ಷಗಳು….ಅವರ ಸವಿ-ಸಿಹಿ ನೆನಪಿನಲ್ಲಿ….http://www.shankarnag.in/ ಭೇಟಿ ನೀಡಿ.ಅವರ ಕೆಲವು ಅಪರೂಪದ ಚಿತ್ರಗಳು ಕಾಣದೊರಕುತ್ತವೆ.ಶಂಕರಣ್ಣನ ನೆನಪಿನ ದೋಣಿಯಲ್ಲಿ ತೇಲೋಣ.

ಭೂಮಿಯಾಚೆ ಬದುಕು ಇಲ್ಲವಾ ?

                                                        alien image,

ಹೃತಿಕ್ ರೋಷನ್ ‘ಕೋಯಿ ಮಿಲ್ ಗಯಾ’ ನೋಡಿದ ಪ್ರತಿಯೊಬ್ಬರಿಗೂ, ‘ಛೇ, ನಮಗೂ ಅಂಥದ್ದೊಂದು ಅನ್ಯಗ್ರಹ ಜೀವಿಯ ಭೇಟಿಯಾಗಬಾರದೆ!’ ಅಂತನ್ನಿಸಿದ್ದರೆ ಆಶ್ಚರ್ಯವಿಲ್ಲ. ಆದರೆ, ಸದ್ಯಕ್ಕಂತೂ ಅದು ಸಾಧ್ಯವಿಲ್ಲದ ಮಾತು. ಅನ್ಯಗ್ರಹ ಜೀವಿ ಅನ್ನೋದು ಫ್ಯಾಂಟಸಿಯ ಪುಟಗಳಲ್ಲಷ್ಟೇ ಇರುವ ಸೃಷ್ಟಿ.
ವಿಜ್ಞಾನಿಗಳ ಪ್ರಕಾರ, ಭೂಮಿಯಿಂದಾಚೆ ಜೀವ ಸಂಕುಲ ಇರೋದು ದುಸ್ಸಾಧ್ಯ. ಆದರೆ ಹಾಗಂತ ಅವರು ಖಡಾ ಖಂಡಿತವಾಗಿ ‘never’ ಎಂದು ಹೇಳಲಾರರು. ಖಗೋಳಶಾಸ್ತ್ರದ ಮಜಾ ಇರೋದೇ ಹೀಗೆ, ನಮಗೆ ಗೊತ್ತು ಅಂದುಕೊಂಡ ವಿಷಯವನ್ನೂ ಕೂಡ ದೃಢವಾಗಿ `I know it’ ಅಂತ ಹೇಳಲಾಗದಿರೋ ಅನಿಶ್ಚಿತತೆಯಲ್ಲಿ !
ಬ್ರಿಟಿಷ್ ಖಗೋಳ ವಿಜ್ಞಾನಿ ಫ್ರೆಡ್ಹಾಯ್ಲ್ 1950ರಲ್ಲೇ ಹೇಳಿದ್ದ; ಭೂಮಿಯಾಚೆ ಲೈಫ್ ಇರೋದು ಅನುಮಾನ ಅಂತ. ಬದುಕಿನ ಸೃಷ್ಟಿಗೆ ಬೇಕಾದಂತಹ ವಸ್ತುಗಳೆಲ್ಲವೂ ಭೂಮಿಯಲ್ಲಿ ಅತ್ಯಂತ ನಿಖರವಾದ ಪ್ರಮಾಣದಲ್ಲಿ ಇರೋದ್ರಿಂದಲೇ ಇಲ್ಲಿ ನಾವೆಲ್ಲಾ ಹುಟ್ಟಿದ್ದೇವೆ; ಕಾರ್ಬನ್ ಮತ್ತು ಆಕ್ಸಿಜನ್ ಅಳತೆಯಲ್ಲಿ ಸ್ವಲ್ಪ ಏರುಪೇರಾಗಿದ್ದಿದ್ದರೂ, ಇವತ್ತು ಅನ್ಯಗ್ರಹ ಜೀವಿಗಳ ಬಗ್ಗೆ ಮಾತಾಡೋದಿಕ್ಕೆ ನಾವು ಇರುತ್ತಿರಲಿಲ್ಲ ಅಂತವನು ಹೇಳಿದ್ದ. ಭೂಮಿ ಹೀಗೆ ಸೃಷ್ಟಿಯಾಗಿರೋದೇ ವಿಶ್ವದ ಹುಟ್ಟಿನ ಅದ್ಭುತಗಳಲ್ಲೊಂದು
ಹೊರಗಿನ ವಿಶ್ವವನ್ನು ಬಿಡಿ, ನಮ್ಮ ಸೌರಮಂಡಲದಲ್ಲೇ ಬೇರೆಲ್ಲಾದರೂ ನಮ್ಮಂತಹ ಅಥವಾ ನಮ್ಮ ಹುಟ್ಟಿಗೆ ಕಾರಣವಾದಂತಹ ಜೀವಿಗಳು ಇವೆಯೇ ಅನ್ನೋದನ್ನು ಹುಡುಕೋದಿಕ್ಕೆ 1960ರ ದಶಕದಲ್ಲೇ ನೌಕೆಗಳು ಗಗನಕ್ಕೆ ಹಾರಿದ್ದವು. 1976ರಲ್ಲಿ ವೈಕಿಂಗ್-1 ಹಾಗೂ ವೈಕಿಂಗ್-2 ನೌಕೆಗಳು ಮಂಗಳನ ಮಣ್ಣನ್ನು ಜಾಲಾಡಿದ್ದವು. ಉಹುಂ, ಒಂದೇ ಒಂದು ಬ್ಯಾಕ್ಟೀರಿಯಾದ ಸುಳಿವೂ ಕಂಡಿರಲಿಲ್ಲ. ಮೊನ್ನೆ ಮಾರ್ಸ್ನ ಮೇಲಿಳಿದ ಇನ್ನೊಂದು ನೌಕೆಯೂ ಆ ಗ್ರಹದ ಮೇಲೆ ಓಡಾಡಿತ್ತು. ಈಚೆಗೆ ಮಂಗಳ ನಮ್ಮ ಹಿತ್ತಲಿಗೇ ಬಂದಿದ್ದಾಗಲೂ, ಜಗತ್ತಿನ ಟೆಲಿಸ್ಕೋಪುಗಳೆಲ್ಲವೂ ಅದರ ಮೈಸವರಿದ್ದವು. ಎಲ್ಲಿಯೂ ಜೀವಿಗಳ ಗುರುತು ಕಂಡಿರಲಿಲ್ಲ.
ಆದರೆ ಅಷ್ಟಕ್ಕೇ ಮಂಗಳ ಬಂಜೆ ಅಂತ ಹೇಳಲಾಗುವುದಿಲ್ಲ ! ಯಾಕೆಂದರೆ, ಮಂಗಳ ಗ್ರಹದ ಮೇಲೆ ನಮ್ಮಲ್ಲಿರುವ ಹಾಗೇ ಭಿನ್ನಾತಿಭಿನ್ನ ವಾತಾವರಣದ ಪ್ರದೇಶಗಳಿವೆ. ಅಲ್ಲೆಲ್ಲಾದರೂ, ಒಂದು ಕಡೆಯಾದರೂ, ನಮ್ಮ ಬ್ಯಾಕ್ಟೀರಿಯಾಗಳನ್ನು ಹೋಲುವಂಥ ಜೀವಿಗಳಿರಬಹುದು ಅನ್ನೋದು ಎಲ್ಲರ ಭಯಮಿಶ್ರಿತ ನಿರೀಕ್ಷೆ ! ಮಂಗಳ ಬಿಟ್ಟರೆ, ನಮ್ಮ ಸೌರಮಂಡಲದಲ್ಲಿ ಬದುಕನ್ನು ಬೆಂಬಲಿಸಬಲ್ಲಂಥ ಗುಣಗಳಿರೋದು ಗುರುಗ್ರಹದ ಉಪಗ್ರಹ ಯೂರೋಪಾ ಮತ್ತು ಶನಿಯ ದೈತ್ಯ ಚಂದ್ರ, ಟೈಟನ್ಗೆ ಮಾತ್ರ. ಯೂರೋಪಾ ಮೇಲ್ಪದರದಡಿಯಲ್ಲಿ ಅಗಾಧ ಪ್ರಮಾಣದ ದ್ರವವಿದೆಯಂತೆ. ಅದು ನೀರೇ ಇರಬಹುದು ಅನ್ನೋದು ಒಂದು ಅನುಮಾನ. ಅಲ್ಲಿ ಆಕ್ಸಿಜನ್ ಇಲ್ಲ, ಸೂರ್ಯನ ಬೆಳಕೂ ವಿಪರೀತ ಮಂದ. ಆದರೆ ನಮ್ಮಲ್ಲೇ ಆಮ್ಲಜನಕ ಹಾಗೂ ಬೆಳಕು ದುರ್ಲಭವಾದಂಥ ಸಾಗರ ತಳಗಳಲ್ಲಿ ಕೆಲವು ಸೂಕ್ಷ್ಮ ಜೀವಿಗಳು ಬದುಕಿಲ್ಲವೆ? ಅಂಥವೇ ಯೂರೋಪಾದ ಅಂತರ್ಜಲದಲ್ಲೂ ಯಾಕಿರಬಾರದು?
ಇನ್ನು ಟೈಟನ್ನ ವಾತಾವರಣದಲ್ಲಿರೋದು ಬರೀ ನೈಟ್ರೋಜನ್ ಹಾಗೂ ಮೀಥೇನ್ ಗ್ಯಾಸುಗಳಾದರೂ, ಆ ಗ್ರಹದ ಮೇಲ್ಮೈ ನಮ್ಮ ಭೂಮಿಯ ಹಾಗೇ ಇದೆ; ವಿಶಾಲವಾದ ಭೂಪ್ರದೇಶ, ನಡುನಡುವೆ ಅಳತೆಗೆ ಸಿಗದಷ್ಟು ವಿಸ್ತಾರವಾದ ಸಾಗರಗಳು! ಆದರೆ, ಈ ಸಾಗರಗಳು ನೀರಿನವಲ್ಲ; ಪೆಟ್ರೋಲಿಯಂದು ! ಈ ಸಾಗರಗಳಲ್ಲಿ ಸೂಕ್ಷ್ಮಾತಿಸೂಕ್ಷ್ಮ ಜೀವಿಗಳು ಬದುಕಲಾರವು ಅನ್ನೋದನ್ನು ಒಪ್ಪಿಕೊಳ್ಳೋದಿಕ್ಕೆ ವಿಜ್ಞಾನಿಗಳು ಸಿದ್ಧರಿಲ್ಲ.
ಹುಡುಕಾಟ ನಡೆದೇ ಇದೆ. 1992ರಲ್ಲಿ, ನೂರು ಮಿಲಿಯನ್ ಡಾಲರ್ ವೆಚ್ಚದಲ್ಲಿ, ನಾಸಾ ಶುರು ಮಾಡಿದ್ದ ಹತ್ತು ವರ್ಷಗಳ  SETI [search for extra-terrestial intelligence] ಅನ್ನೋ ಯೋಜನೆ, ಈಗ ಸುಮಾರು ಒಂದು ಸಾವಿರ ಸೌರ ಮಂಡಲಗಳಿಂದ ಅಕ್ಷರಶಃ ಹುಚ್ಚು ಹಿಡಿಯುವಷ್ಟು ಮಾಹಿತಿಗಳನ್ನು ಸೆಳೆದು, ಕ್ರೋಢೀಕರಿಸಿಕೊಡಿದೆ. ನಿಖರವಾದ ಉತ್ತರ ಮಾತ್ರ ಇನ್ನೂ ಸಿಕ್ಕಿಲ್ಲ. ಮಂಗಳ, ಯೂರೋಪಾ ಹಾಗೂ ಟೈಟನ್ ಹೊರತು ಪಡಿಸಿದಂತೆ, ನಮ್ಮ ಸೌರವ್ಯೂಹದ ಉಳಿದ ಯಾವ ಗ್ರಹಗಳಲ್ಲೂ ಜೀವಿಗಳಿರಲಾರವು ಅನ್ನೋ ತೀಮರ್ಾನಕ್ಕಂತೂ ಸದ್ಯಕ್ಕೆ ರಲಾಗಿದೆ. ಯಾಕೆಂದರೆ, ಸೂರ್ಯನಿಗೆ ವಿಪರೀತ ಹತ್ತಿರವಿರುವ ಬುಧ ಹಾಗೂ ಶುಕ್ರಗಳಲ್ಲಿ ಹಿಂದೆಂದಾದರೂ ಜೀವ ಇದ್ದಿದ್ದರೂ ಅದೀಗ ಭಸ್ಮವಾಗಿ ಹೋಗಿರೋದು ಗ್ಯಾರಂಟಿ. ಇನ್ನು, ಮಂಗಳನಾಚೆ ಇರುವ ಗ್ರಹಗಳೆಲ್ಲವೂ ಬರೀ ಗ್ಯಾಸಿನ ಗೋಳಗಳು! ಪ್ಲೂಟೋ ಹೊರತುಪಡಿಸಿದಂತೆ ಇವುಗಳನ್ನೆಲ್ಲಾ ಕರೆಯೋದೇ ಗ್ಯಾಸ್ ಬಕಾಸುರರು ಅಂತ.
ಮಂಗಳನವರೆಗಿನ ನಾಲ್ಕು ಗ್ರಹಗಳು ಕಲ್ಲು-ಮಣ್ಣಿನಿಂದಾಗಿರುವ ಪುಟ್ಟ ಗೋಳಗಳಾದರೆ, ಅಲ್ಲಿಂದಾಚೆಗಿನ ಗೋಳಗಳಲ್ಲಿ ತುಂಬಿರೋದು ಬರೀ ಹೈಡ್ರೋಜನ್ ಹಾಗೂ ಹೀಲಿಯಂ. ಅವು ಯಾಕೆ ಹಾಗೆ ಉಳಿದಿವೆ ಅನ್ನೋದಿಕ್ಕೆ ಕಾರಣವಿದೆ! ಸೌರಮಂಡಲ ಹುಟ್ಟಿದ್ದೇ ಒಂದು ಭಯಂಕರ ಗ್ಯಾಸು ಹಾಗೂ ಧೂಳಿನ ಮನೆಯಾಗಿ. ಹುಟ್ಟಿದ ಕ್ಷಣಗಳಲ್ಲಿ ಭೂಮಿಯೂ ಸೇರಿದಂತೆ ಎಲ್ಲವೂ ಗ್ಯಾಸುಮಯವಾಗಿದ್ದವು. ಆದರೆ ದಿನಗಳೆದಂತೆ ಸೂರ್ಯನ ಬಿಸಿಗೆ ಹತ್ತಿರವಾದ ಗ್ರಹಗಳೆಲ್ಲವೂ ತಮ್ಮ ಹೈಡ್ರೋಜನ್ ಹಾಗೂ ಹೀಲಿಯಂ ಅಂಶಗಳನ್ನು ಕಳೆದುಕೊಂಡು ಕಲ್ಲಾಗಿ ಉಳಿದರೆ, ಅವನ ತಾಪ ತಟ್ಟದಂಥವು ಗ್ಯಾಸುಗಳಾಗೇ ಉಳಿದುಬಿಟ್ಟವು. ವೈತುಂಬಾ ಗ್ಯಾಸೇ ಇರೋದ್ರಿಂದ ಅವುಗಳು ಸೈಜೂ ದೊಡ್ಡದು. ಉದಾಹರಣೆಗೆ, ಗುರುವಿನ ವ್ಯಾಸ ಭೂಮಿಗಿಂತ ಹನ್ನೊಂದು ಪಟ್ಟು ಹೆಚ್ಚು!
ಈ ಗುಂಪಿನಲ್ಲಿ ತೀರಾ ಹೊರಗಿನವನ ಹಾಗೆ ಉಳಿಯೋದು ಪ್ಲೂಟೋ ಅನ್ನೋ ಗೋಲಿ ಮಾತ್ರ. ಹಿಂದೊಮ್ಮೆ ಅದು ನೆಪ್ಚೂನ್ನ ಉಪಗ್ರಹವಾಗಿದ್ದಿರ ಬೇಕು ಅನ್ನೋ ಅನುಮಾನವಿದೆ.

ಎಟಿಎಂ ಕೆಲಸ ಮಾಡೋದು ಹೀಗೆ !

ಇಂಡಿಯಾ ‘ಹಳ್ಳಿಗಳ ದೇಶ’ವೇ ಇರಬಹುದು; ಆದರೆ ಇಲ್ಲೂ ಎಟಿಎಂಗಳಿವೆ; ಅದೇ ಹೆಗ್ಗಳಿಕೆ!

                             ATM

ಇವತ್ತು ಎಲ್ಲ ನಗರಗಳಲ್ಲೂ ಎಟಿಎಂ ಹಬ್ಬಿರುವ ಪರಿ ನೋಡಿದರೆ, ಇಂಥದ್ದೊಂದು ಬೆಳವಣಿಗೆಯನ್ನು ಹತ್ತೇ ಹತ್ತು ವರ್ಷದ ಹಿಂದೆ ನಾವು ಕಲ್ಪಿಸಿಕೊಳ್ಳಲಿಕ್ಕಾದರೂ ಸಾಧ್ಯವಿತ್ತಾ ಅನ್ನುವುದು ಅನುಮಾನ.
ಮಧ್ಯಾಹ್ನ ಎರಡು-ಎರಡೂವರೆಯ ಹೊತ್ತಿಗೆ ಬ್ಯಾಂಕನ ಟೈಮು ಮುಗಿದುಬಿಟ್ಟರೆ, ಆಮೇಲೆ ಬೇಕಾಗಬಹುದಾದ ತುರ್ತು ಹಣಕ್ಕೆ `ದೊಡ್ಡ’ ಗೆಳೆಯರ ಮರ್ಜಿಯೇ ಗತಿ ಅನ್ನುವಂತಿತ್ತು (ಆಗ `ದೊಡ್ಡ’ ಗೆಳೆಯರು ಅಂದರೆ, ಪರ್ಸಿನಲ್ಲಿ ನಮಗಿಂತ ಹೆಚ್ಚು ದುಡ್ಡಿಟ್ಟುಕೊಂಡಿರುವವರು!) ಈಗ ಹಾಗಿಲ್ಲ; ಎಟಿಎಂ ಎಂಬುದು `ಆಲ್ ಟೈಮ್ ಮನಿ’ ಅಂತಲೇ ಆಗಿ ಹೋಗಿದೆ. ವಾಸ್ತವವಾಗಿ ಎ.ಟಿ.ಎಂ. ಅಂದ್ರೆ ಅಟೋಮೆಟಿಕ್ ಟೆಲ್ಲರ್ ಮೆಶಿನ್.

                                      ATM

ಯಾವ ಹೊತ್ತಿನಲ್ಲಿ ಬೇಕಿದ್ದರೂ, ಯಾವ ನಗರದಲ್ಲಿ ಬೇಕಿದ್ದರೂ, ನಮ್ಮ ಅಕೌಂಟಿನಿಂದ ದುಡ್ಡು ತೆಗೆಯುವ ವ್ಯವಸ್ಥೆಯೇ, ಎಟಿಎಂನ ಜಾಲ. ಇದು, ಅಂತರ್ಜಾಲ ಯುಗದ ಅತಿಮುಖ್ಯವಾದ ಆವಿಷ್ಕಾರಗಳಲ್ಲೊಂದು.
ನಮ್ಮ ಬ್ಯಾಂಕಿನವರು ನಮಗೊಂದು `ಎಟಿಎಂ ಕಾರ್ಡ್’ ಅಥವಾ `ಕ್ರೆಡಿಟ್ ಕಾರ್ಡ್’ ಕೊಟ್ಟಿರುತ್ತಾರಲ್ಲಾ, ಅದರ ಹಿಂಬದಿಯಲ್ಲಿ ದಟ್ಟ ಕಂದುಬಣ್ಣದ ಒಂದು ಮೆಟಾಲಿಕ್ ಪಟ್ಟಿಯಿರುತ್ತದೆ. ಅದರ ಹೆಸರು, `ಮ್ಯಾಗ್ನೆಟಿಕ್ ಸ್ಟ್ರಿಪ್’. ನಮ್ಮ ಅಕೌಂಟಿನ ಸವ
ಸ್ತ ಮಾಹಿತಿಯನ್ನೂ ಹೊಂದಿರುವ ಜಾತಕ ಅದು. ನಾವು ಒಂದು ಎಟಿಎಂ ಬೂತಿನ ಒಳಹೊಕ್ಕು, ಮಷೀನಿನೊಳಗೆ ನಮ್ಮ ಕಾರ್ಡನ್ನು ತೂರಿಸಿದ ತಕ್ಷಣ, ಈ ಮಷೀನಿನಲ್ಲಿರುವ ಕಂಪ್ಯೂಟರಿನಿಂದ ಈ ಮಾಹಿತಿಗಳೆಲ್ಲವೂinternet ಮೂಲಕ ತನ್ನ ಅಕೌಂಟುಗಳ ನಿರ್ವಹಣೆಗೆಂದೇ ನಮ್ಮ ಬ್ಯಾಂಕು ತೆರೆದಿಟ್ಟಿರುವ ಇನ್ನೊಂದು ಕಂಪ್ಯೂಟರನ್ನು ತಲುಪುತ್ತದೆ. ನಾವು ನಮ್ಮ `ಪರ್ಸನಲ್ ಐಡೆಂಟಿಫಿಕೇಷನ್ ನಂಬರ್’ (PIN) ಅಂದರೆ ಸೀಕ್ರೆಟ್ ಕೋಡನ್ನು ಒತ್ತಿದ ಮೇಲೆ, ಬ್ಯಾಂಕಿನ ಕಂಪ್ಯೂಟರು ಆ ಕೋಡನ್ನು ತನ್ನ ಹತ್ತಿರವಿರುವ ಮಾಹಿತಿ ಹೊಂದಿಸಿ ನೋಡಿ, ಅದು ತಾಳೆಯಾದರೆ ಮಾತ್ರ ಮುಂದಿನ ವಹಿವಾಟಗೆ ಒಪ್ಪಿಗೆ ಕೊಡುತ್ತದೆ. ಇಲ್ಲವಾದರೆ ಇಲ್ಲ.

ಇದು, ಎಟಿಎಂ ಕೆಲಸ ಮಾಡುವ ವಿಧಾನ. ಇಲ್ಲಿ, ಎಟಿಎಂನ ಕಂಪ್ಯೂಟರು ಅಂತರ್ಜಾಲದ ಮೂಲಕ ಬ್ಯಾಂಕಿನ ಕಂಪ್ಯೂಟರ್ ಜೊತೆ ಸಂಪರ್ಕ ಪಡೆಯುವುದಕ್ಕೆ ಅನೇಕ ಕಡೆಗಳಲ್ಲಿ ಹೈಸ್ಪೀಡ್ ಕೇಬಲ್ಗಳನ್ನು ಜೋಡಿಸಲಾಗಿರುತ್ತದೆ. ಕೆಲವು ಎಟಿಎಂಗಳಲ್ಲಿ ನೇರವಾಗಿ ಸೆಟಲೈಟ್ ಮೂಲಕ ಸಂದೇಶ ವಿನಿಮಯ ಮಾಡಿಕೊಳ್ಳುವ ವಿಸ್ಯಾಟ್ ಡಿಷ್ಗಳನ್ನೂ ಹಾಕಲಾಗಿರುತ್ತದೆ.

ಇದೆಲ್ಲಾ ಸರಿ, ಆದರೆ ದುಡ್ಡನ್ನು ಎಣಿಸಿಕೊಡುವ `ಬುದ್ಧಿ’ ಎಟಿಎಂಗೆಲ್ಲಿಂದ ಬರುತ್ತದೆ? ಈ ಕೆಲಸ ಮಾಡುವುದು `ಬುದ್ಧಿ’ಯಲ್ಲ; `ಎಲೆಕ್ಟ್ರಿಕ್ ಐ’ ಅನ್ನುವ ಒಂದು ಮಾಯಾಕಣ್ಣು ಮತ್ತು `ಸೆನ್ಸರ್’ ಅನ್ನುವ ಒಂದು ಎಣಿಕಾ ಯಂತ್ರ! ಇವೆರಡೂ ಸೇರಿ, ನೋಟಗಳ ಬೆಲೆ ಹಾಗೂ ಅವುಗಳ  `ದಪ್ಪ’ವನ್ನಾಧರಿಸಿ ಲೆಕ್ಕ ಮಾಡುತ್ತವೆ. ನೋಟಗಳು ಬಿಡಿ-ಬಿಡಿಯಾಗಿರದೆ, ಒಂದರೊಡನೊಂದು ಸೇರಿ ಕೊಂಡಿದ್ದರೆ, ಅಂಥ ನೋಟುಗಳೆಲ್ಲಾ `ರಿಜೆಕ್ಟ ಬಿನ್’ಗೆ ಬೀಳುತ್ತವೆ. ಅಂದಹಾಗೆ, ಎಟಿಎಂ ನಮಗೆ ಕೊಡುವ ದುಡ್ಡೆಲ್ಲವೂ, ಅದರೆ ಬುಡದಲ್ಲಿರುವ ತಿಜೋರಿಯೊಂದರೊಳಗೆ ಇರುತ್ತದೆ.
ಇಲ್ಲಿ, ಮಷೀನಿನಿಂದ ಹೊರಬಿದ್ದ ಪ್ರತಿಯೊಂದು ನೋಟೂ ಎಟಿಎಂ ಸೆಂಟರಿನ ಅಕೌಂಟನಿಂದ ನಮಗೆ ಸಿಗುವಂಥದ್ದು. ಮಷೀನಿನೊಳಗೆ ನಾವು ಕಾರ್ಡು ತೂರಿಸಿ ಕೀಗಳನ್ನು ಒತ್ತಿದ ತಕ್ಷಣ, ನಮ್ಮ ಬ್ಯಾಂಕಿನ ನಮ್ಮ ಅಕೌಂಟಿನಿಂದ ಅಂತಜರ್ಾಲದ ಮೂಲಕವೇ ಎಟಿಎಂ ಸೆಂಟರಿನ ಅಕೌಂಟಿನ ದುಡ್ಡು ‘ಟ್ರಾನ್ಸಫರ್’ ಆಗಿಬಿಡುತ್ತದೆ. ಎರಡು ಕಡೆಯೂ ಲೆಕ್ಕ ದಾಖಲಾಗುತ್ತದೆ.

`ಇ’-ದೆಂಥಾ ಲೋಕವಯ್ಯ…!

 `ಇ’-ದು ಕಂಪ್ಯೂಟರ್ ಏಜ್. ಸ್ಲೇಟು ಬಳಪ ಹಿಡಿಬೇಕಾದ ಪುಟಾಣಿ ಕೈಗಳೇ ಕೀಲಿಮಣೆ ಹಿಡ್ಕೊಂಡು ಅಕ್ಷರಾಭ್ಯಾಸ ಮಾಡ್ತಿವೆ. ಅಂದ ಮೇಲೆ ಇದನ್ನೆಲ್ಲಾ ಅರೆದು ಕುಡಿದಿರೋ ಸೀನಿಯರ್ಸ್ ಹೊಸ್ ಹೊಸ್ದಾಗಿ ಏನಾನ್ನಾದರು ಕಂಡು ಹಿಡ್ದೀರ್ಲೇ ಬೇಕು ಅಲ್ವ.
ಇಂಥದ್ದೇ ಕುತೂಹಲದಿಂದ ಅಂರ್ಜಾಲ ತಡಕಾಡಿದಾಗ ಊಹೆ ನಿಜವಾಯಿತು. ಅಭಿವೃದ್ಧಿ ಹೊಂದಿದ ದೇಶಗಳಲ್ಲಿನ ಕಂಪ್ಯೂಟರ್ ಬಳಕೆಯ ಈ ಪರಿ ಅಚ್ಚರಿ ಮೂಡಿಸುವಂತಿದೆ. ಜಗತ್ತಿನ ಮಾಹಿತಿ ತಂತ್ರಜ್ಞಾನ ಕ್ಷೇತ್ರದಲ್ಲಿ ಭಾರತೀಯರೇ `ಟಾಪ್ ಮೋಸ್ಟ್’ ಅಂದ್ಕೊಂಡ್ರು ಇಲ್ಲಿನ ಪ್ರತಿಭೆಗಳೆಲ್ಲಾ ಪಲಾಯನಗೊಂಡಿರುವ ಪರಿಣಾಮ ಅವರ ಸಂಶೋಧನೆ ವಿದೇಶಿ ನೆಲದಲ್ಲಿ ಫಲ ನೀಡುತ್ತಿದೆ ಎನ್ನುವುದು ಕಹಿ ವಾಸ್ತವ.

* ಕಂಪ್ಯೂಟರ್ ಇತಿಹಾಸ

ಆರಂಭದ ದಿನಗಳಲ್ಲಿ ಬಳಸುತ್ತಿದ್ದ ಕಂಪ್ಯೂಟರ್ಗೆ ಇಡೀ ಕೋಣೆಯನ್ನೇ ಮೀಸಲಿಡಬೇಕಿತ್ತು. ಏಕೆಂದರೆ ಅವು ಅಷ್ಟು ಬೃಹತ್ ಗಾತ್ರದಲ್ಲಿದ್ದವು. ಇವನ್ನು ಫಸ್ಟ್ ಜನರೇಷನ್ ಕಂಪ್ಯೂಟರ್ ಎನ್ನುತ್ತಾರೆ. (ಇಂಥ ಕಂಪ್ಯೂಟರ್ಗಳನ್ನು ಬೆಂಗಳೂರಿನ ವಿಶ್ವೇಶ್ವರಯ್ಯ ಕೈಗಾರಿಕ ಮತ್ತು ತಾಂತ್ರಿಕ ಮ್ಯೂಸಿಯಂನಲ್ಲಿ ಈಗಲೂ ನೋಡಬಹುದು)
ಬಳಿಕ ಬಂದದ್ದೇ ಟಾಪ್ ಟೇಬಲ್ ಕಂಪ್ಯೂಟರ್ಸ್. ಇವುಗಲನ್ನು ಹವಾನಿಯಂತ್ರಿತ ಕೋಣೆಗಳಲ್ಲಿ ಬಳಸಬೇಕು ಎಂಬ ಅಲಿಖಿತ ನಿಯಮ ಪಾಲಿಸಲಾಗುತ್ತಿತ್ತು. ನಂತರದ ದಿನಗಳಲ್ಲಿ ಕೊಂಡೊಯ್ಯಬಹುದಾದ ಲ್ಯಾಪ್ಟಾಪ್ ಕಂಪ್ಯೂಟರ್ಸ್ ಬಂದವು. ಇದಾದ ಮೇಲೆ ಅಂಗೈಯಲ್ಲಿರಿಸಿಕೊಳ್ಳುವ ಪಾಮ್ಟ್ಯಾಪ್ ಬಳಕೆಗೆ ಬಂದಿತು. ಬಳಿಕ ಅಗೋಚರ ಕಂಪ್ಯೂಟರ್ ಹಾಗೂ ಇದೀಗ ಬಂದಿರುವುದೇ ಧರಿಸಿಕೊಳ್ಳಬಹುದಾದ ತಂತ್ರಜ್ಞಾನ. ಕಂಪ್ಯೂಟರ್ಸ್ ದಟ್ ವಿ ಕ್ಯಾನ್ ವೇರ್…!
ಆಶ್ಚರ್ಯ ಆಗುತ್ತೆ ಅಲ್ವ…!, ಬಟ್ಟೆ ಹಾಕ್ಕೊಳೋದು ಗೊತ್ತು. ಆದ್ರೆ ಇದೇನಿದು ಧರಿಸಿಕೊಳ್ಳುವ ಕಂಪ್ಯೂಟರ್. ಇದು ತಂತ್ರಜ್ಞಾನದ ಉತ್ಕೃಷ್ಟ ಹಂತ. ಟಿ-ಶರ್ಟ್ ಮಾದರಿಯಲ್ಲೇ ಇಂಥ ಕಂಪ್ಯೂಟರ್ ಶರ್ಟ್ಗಳನ್ನು ಮನುಷ್ಯರು ಧರಿಸಿಕೊಳ್ಳಬಹುದಾಗಿದೆ.

* ಎಲ್ಲಿದೆ ಇದು?

ಅಮೆರಿಕಾದ `ಜಾರ್ಜಿಯ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ’ಯ ಸಂಶೋಧಕರು ಇಂಥ ಇ-ಶರ್ಟ್ ಕಂಡು ಹಿಡಿದಿದ್ದಾರೆ. ಭಾರತೀಯ ಮೂಲದ ಸಾಫ್ಟ್ವೇರ್ ವಿಜ್ಞಾನಿಯೊಬ್ಬರು ಇ-ಶರ್ಟಿನ ಜನಕ. ಗಾಜಿನೆಳೆ (ಫೈಬರ್ ಆಪ್ಟಿಕ್ಸ್) ನೇಯ್ದ ಬಟ್ಟೆಯಂತೆ ಧರಿಸುವ ಕಂಪ್ಯೂಟರ್ ಮದರ್ ಬೋಡರ್್ ಈ `ಇ-ಶರ್ಟ್’.
ಇದು ಕಂಪ್ಯೂಟರ್ ಮತ್ತು ಜವಳಿ ಕಲೆಗಳ ಸಂಗಮ. ಸಂವೇದಕ (ಸೆನ್ಸಾರ್)ಗಳನ್ನು ಅಳವಡಿಸುವ ಮೂಲಕ ಇದನ್ನು ಧರಿಸಿದ ವ್ಯಕ್ತಿಯ ಹೃದಯ ಬಡಿತ, ದೇಹದ ಉಷ್ಣತೆ ಇತರೆ ವಿವರಗಳನ್ನು ತಿಳಿಯಬಹುದು. ಸೊಂಟದಲ್ಲಿ ಧರಿಸಿದ ವಿನಿ ಕಂಪ್ಯೂಟರ್ ಮೂಲಕ ಅವುಗಳ ವಿಶ್ಲೇಷಣೆ ನಡೆಸಿ ಮಾಹಿತಿ ಸಂಗ್ರಹಿಸಬಹುದು. ಅಮೆರಿಕಾದ ಮಿಲಿಟರಿಯಲ್ಲಿ ಇ-ಶಟರ್್ ಪ್ರಾಯೋಗಿಕವಾಗಿ ಬಳಸಲಾಗುತ್ತಿದೆ. ಆಯ್ದ ಸೈನಿಕರಿಗೆ ಇದನ್ನು ಧರಿಸಿಕೊಳ್ಳುವ ಅನುಮತಿ ನೀಡಲಾಗಿದೆ. ಆ ಮೂಲಕ ಇದರ ಪ್ರಯೋಜನಗಳ ಅಧ್ಯಯನ ನಡೆಸಲಾಗುತ್ತಿದೆ. ಸೈನಿಕ ಇಂಥ ಜಾಕೆಟ್ ಧರಿಸಿಕೊಂಡು ಯುದ್ಧ ಭೂಮಿಗೆ ತೆರಳಿ ಅಲ್ಲಿ ಅನಾಹುತ ಸಂಭವಿಸಿ ಗಾಯಗೊಂಡರೆ ಆಗ ಆತನ ದೇಹ ಸ್ಥಿತಿಯನ್ನು ಮಿಲಿಟರಿ ಕ್ಯಾಂಪಿನಲ್ಲಿರುವ ವೈದ್ಯರು ತಿಳಿದುಕೊಳ್ಳಬಹುದು. ಜತೆಗೆ ಆತನ ದೇಹ ತರುವಷ್ಟರಲ್ಲಿ ಚಿಕಿತ್ಸೆಗೆ ಪೂರ್ವ ಸಿದ್ಧತೆ ನಡೆಸಬಹುದು. ಚಿಕಿತ್ಸೆ ನೀಡಲು ಇ-ಶಟರ್್ನಲ್ಲಿರುವ ಸೂಕ್ಷ್ಮ ತಂತು ಹಾಗೂ ಮಿನಿ ಆಂಟನಾ ಇದಕ್ಕೆ ಸಹಕಾರಿ. ಇದರಿಂದ ಸೈನಿಕನ ಪ್ರಾಣ ಉಳಿಸುವ ಅವಕಾಶ ದುಪ್ಪಟುಗೊಳ್ಳುತ್ತದೆ ಎನ್ನುವುದು ವಿಜ್ಞಾನಿಗಳ ಹಂಬಲ.

* ಇ-ಇಂಕ್:

ಈ ಎಲೆಕ್ಟ್ರಾನಿಕ್ ಶಾಹಿ ಸೂಕ್ಷ್ಮಾತಿಸೂಕ್ಷ್ಮ ಗೋಲಗಳನ್ನು (ಕೂದಲೆಗಳೆಗಳಿಗಿಂತಲು ಸಾವಿರ ಪಟ್ಟು ಚಿಕ್ಕದಾದ ಗೋಲಗಳು) ಒಳಗೊಂಡಿದೆ. ಪ್ರತಿಯೊಂದು ಗೋಲವು ಅರ್ದ ಬಿಳಿ, ಅರ್ದ ಕಪ್ಪು ಬಣ್ಣವನ್ನು ಹೊಂದಿರುತ್ತದೆ. ಇಂಥ ಪ್ರತಿ ಗೋಲವನ್ನು ವಿದ್ಯುತ್ ಬಳಸಿ ಚಳಿ ಅಥವಾ ಕಪ್ಪು ಬಣ್ಣಕ್ಕೆ ಬದಲಿಸಬಹುದು. ಈ ಬಹು ಸೂಕ್ಷ್ಮ ಗೋಲ ರೂಪದ ಪುಡಿಯನ್ನು ವಿಶಿಷ್ಟವಾದ ಇ – ಪೇಪರ್ (ಎಲೆಕ್ಟ್ರಾನಿಕ್ ಕಾಗದ) ಮೇಲೆ ಲೇಪಿಸಬಹುದು. ಈ ಕಾಗದ ಉದ್ದ ಹಾಗೂ ಅಡ್ಡಲಾಗಿ ಸಾವಿರಾರು ಸೂಕ್ಷ್ಮ ತಂತಿಗಳನ್ನು ಹೊಂದಿರುತ್ತದೆ. ಇವುಗಳ ಮೇಲೆ ಇ-ಇಂಕ್ ಸವರಿ ವಿದ್ಯುಚ್ಛಕ್ತಿಯನ್ನು  ನಿರ್ದಿಷ್ಟ ತಂತಿಗಳಿಗೆ ಹರಿಸಿದಾಗ ಇ – ಪೇಪರ್ನಲ್ಲಿ ಅಕ್ಷರಗಳು ಮತ್ತು ಚಿತ್ರಗಳು ಮೂಡುತ್ತವೆ.

* ಇ-ಪುಸ್ತಕ

ಅಮೆರಿಕಾದ ಮೇಸಾಚ್ಯೂಸೆಟ್ಸ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯ `ಮೀಡಿಯಾ ಲ್ಯಾಬ್’ನಲ್ಲಿ `ದ ಲಾಸ್ಟ್ ಬುಕ್’ ಎಂಬ ಸಂಶೋಧನೆ ನಡೆಸಲಾಗುತ್ತಿದೆ.
ಅದರಲ್ಲೇನು ವಿಶೇಷ ಎಂದು ಮೂಗು ಮುರಿಯಬೇಡಿ. ಕಾರಣ ಇಲ್ಲಿ ನಡೆಯುತ್ತಿರುವ ಸಂಶೋಧನೆ ಫಲವಾಗಿ ಮುಂದಿನ ದಿನಗಳಲ್ಲಿ ಬದಲಾವಣೆಯ ಕ್ರಾಂತಿಯೇ ಸಂಭವಿಸಲಿದೆ.
ಇದು ಸಂಪೂರ್ಣಗೊಂಡ ಬಳಿಕ ಭವಿಷ್ಯದಲ್ಲಿನ ಎಲ್ಲ ಪುಸ್ತಕಗಳನ್ನು (ಬೇಕಾದರೆ ಪುಸ್ತಕಾಲಯಗಳನ್ನು) ಸಂಗ್ರಹಿಸಿ ಸಿಡಿ ರೂಪದಲ್ಲಿ ಇಡಬಹುದು. ಕಾರ್ಡಲೆಸ್ ರೂಪದಲ್ಲಿಯೂ ಬೇಕಾದರೆ ಒಂದೆಡೆಯಿಂದ ಮತ್ತೊಂದಡೆ ಕೊಂಡೊಯ್ಯಬಹುದು. ದೀಪ ಇಲ್ಲದೆ ಓದಬಹುದು. ಓದುವವರು ಮಂಪುರ ಬಂದು ನಿದ್ರಿಸಿದರೆ ಅದೇ ತನ್ನಿಂತಾನೇ ಮುಚ್ಚಿಕೊಳ್ಳುತ್ತದೆ.

ಇನ್ಮುಂದೆ ಮೌಸ್ ಸದ್ದು ಮಾಡುವುದಿಲ್ಲ…

Magic track pad

ಕಂಪ್ಯೂಟರ್ ಜತೆಗೆ ಕೀ ಬೋರ್ಡ್, ಮೌಸ್, ಯುಪಿಎಸ್ ಇದ್ದೇ ಇರಬೇಕೆಂಬುದೇನೋ ಸರಿ. ಆದರೆ ಕಾಲ ಬದಲಾದಂತೆಲ್ಲ ಎಲ್ಲವೂ ಬದಲಾಗುತ್ತದೆ. ಈಗ ಏನಿದ್ದರೂ ಆಲ್ ಇನ್ ಒನ್ !
ಗಣಪತಿಯ ಪಕ್ಕ ಇಲಿಯಂತೆ ರಾರಾಜಿಸುತ್ತಿದ್ದ ಮೌಸ್ ಮತ್ತು ಕಂಪ್ಯೂಟರ್ನ ಸಂಬಂಧ ಇನ್ನು ಕಡಿದು ಹೋಗಲಿದೆ. ಅರ್ಥಾತ್ ಮೌಸಿಲ್ಲದೇನೇ ಗಣಕಯಂತ್ರವನ್ನು ನಿರ್ವಹಿಸಬಹುದಾಗಿದೆ. ಅದು ಹೇಗೆ ಬಲ್ಲಿರಾ ? ಅದೇ ಆ್ಯಪಲ್ ಕಂಪನಿ ಇಲ್ವಾ, ಅದು ಹೊಸದೊಂದು ಕಂಪ್ಯೂಟರ್ನಂಥ ‘ಮ್ಯಾಜಿಕ್ ಟ್ರ್ಯಾಕ್ಪ್ಯಾಡ್’ ಎಂಬ ಉಪಕರಣವೊಂದನ್ನು ಅಭಿವೃದ್ಧಿಪಡಿಸಿದೆ. ಈ ಟ್ರ್ಯಾಕ್ ಪ್ಯಾಡ್ನಲ್ಲಿ ಕೈ ಬೆರಳಿನ ಕೈಚಳಕದಲ್ಲೇ ಡೆಸ್ಕ್ಟಾಪ್ ಸೇರಿದಂತೆ ಎಲ್ಲ ಕೆಲವನ್ನೂ ಮಾಡಬಹುದು. ಇದೊಂದು ಬ್ಯಾಟರಿ ಆಧಾರಿತ ಟಚ್ಪ್ಯಾಡ್. ಇದು ಮೌಸ್ನ ಕೆಲಸ ಮಾಡುತ್ತೆ. ಇದನ್ನು ಗ್ಲಾಸ್ ಮತ್ತು ಅಲ್ಯುಮಿನಿಯಂನಿಂದ ತಯಾರಿಸಲಾಗಿದ್ದು, ನೋಟ್ಪ್ಯಾಡ್ನಂತಿದೆ. ಬ್ಲ್ಯೂಟೂಥ್ ಮೂಲಕ ಆ್ಯಪಲ್ನ ಮ್ಯಾಕ್ ಪ್ಯಾಡ್ನ ಬೆಲೆ ಆನ್ಲೈನ್ನಲ್ಲಿ 69 ಡಾಲರ್ಗಳು (ಅಂದಾಜು 3250 ರೂ.) ಐಫೋನ್ ಮತ್ತು ಐಪ್ಯಾಡ್ನ ಅನುಭವ ಉಳ್ಳವರಿಗೆ ಇದು ಸಲೀಸು. ಇದು ಕಂಪ್ಯೂಟರ್ನಿಂದ 10 ಮೀಟರ್ ಅಂತರದಲ್ಲಿದ್ದರೂ ಕಾರ್ಯನಿರ್ವಹಿಸುತ್ತದೆ ಎನ್ನುತ್ತದೆ ಕಂಪನಿ.
ಮೌಸ್ನಿಂದಾಗುವ ಕಿರಿಕಿರಿಗಳು ಅಷ್ಟಿಷ್ಟಲ್ಲ. ಸಿಕ್ಕಾಪಟ್ಟೆ ಜಾಗಬೇಕು. ಕೈ ಕೂಡ ನೋಯುತ್ತೆ. ಪಕ್ಕದಲ್ಲಿದ್ದ ಪೇಪರ್ ಮತ್ತಿತರ ವಸ್ತುಗಳಿಗೆ ತಗುಲುತ್ತೆ ಎಂದೆಲ್ಲ ಗೊಣಗುವವರು ಇನ್ನು ಟ್ರ್ಯಾಕ್ ಪ್ಯಾಡ್ಗೆ ಮೊರೆ ಹೋಗಬಹುದು ಅಲ್ವೇ .

ದರ್ಬಾರ್ ಹಾಲ್ ನ ರತ್ನಖಚಿತ ಸಿಂಹಾಸನ

ಕರ್ನಾಟಕದ ಸಾಂಸ್ಕೃತಿಕ ನಗರಿ ಮೈಸೂರು , ಅರಮನೆ ನಗರಿ ಕೂಡಾ ಹೌದು. ವಿಶ್ವವಿಖ್ಯಾತ ದಸರಾ ಸಂಭ್ರಮದಲ್ಲಿ ಜಂಬೂ ಸವಾರಿ ಆಕರ್ಷಣೆ ಒಂದು ಬಗೆಯದಾದರೆ, ಮೈಸೂರು ಒಡೆಯರ ವೈಭವ ಸಾರುವ ಅರಮನೆ ರತ್ನಖಚಿತ ಚಿನ್ನದ ಸಿಂಹಾಸನ ನೋಡುವುದೇ ಒಂದು ರೀತಿ ಖುಷಿ.

ರತ್ನಖಚಿತ ಸಿಂಹಾಸನ: ಅರಮನೆಯ ದರ್ಬಾರ್ ಹಾಲ್‌ನಲ್ಲಿರುವ ರತ್ನ ಖಚಿತ ಸಿಂಹಾಸನವು ಆಕರ್ಷಕವಾಗಿದ್ದು, ಇದನ್ನು ದಸರಾ ಸಂದರ್ಭ ಮಾತ್ರ ಜೋಡಿಸಲಾಗುತ್ತದೆ. ಈ ಕಾರ್ಯಕ್ಕೆ ಮೈಸೂರಿಗೆ ಸಮೀಪದ ಗೆಜ್ಜಗಳ್ಳಿ ಗ್ರಾಮದಿಂದ ಆಯ್ದ ಕೆಲವರನ್ನು ಮಾತ್ರ ಕರೆತರಲಾಗುತ್ತದೆ.

ಇದು ತಲತಲಾಂತರದಿಂದ ನಡೆದು ಬಂದಿದೆ. ನವರಾತ್ರಿಯ ದಿನಗಳಲ್ಲಿ ಶ್ರೀಕಂಠದತ್ತನರಸಿಂಹರಾಜ ಒಡೆಯರ್ ಆರೋಹಣ ಮಾಡಿ ಖಾಸಗಿ ದರ್ಬಾರ್ ನಡೆಸುತ್ತಾರೆ. ಈ ಸಂದರ್ಭ ಹಿಂದಿನ ಕಾಲದ ರಾಜವೈಭವ ಮರುಕಳಿಸಿದ ಅನುಭವವಾಗಿ ಬಿಡುತ್ತದೆ.

ಈ ಸಿಂಹಾಸನವು ಪುರಾತನವಾದದ್ದೆಂದು ಹೇಳಲಾಗಿದೆ. ಇದಕ್ಕೊಂದು ಚರಿತ್ರೆಯೂ ಇದೆ. ಪಾಂಡವರ ಕಾಲದೆನ್ನಲಾಗಿದ್ದು, ಆ ಕಾಲದಲ್ಲಿ ಕಂಪುಲ ರಾಜನು ಇದನ್ನು ತಂದು ಪೆನಗೊಂಡದಲ್ಲಿ ಹೂತಿಟ್ಟಿದ್ದನು ಎನ್ನಲಾಗಿದೆ.

1338ರಲ್ಲಿ ಮಹರ್ಷಿ ವಿದ್ಯಾರಣ್ಯರು ಧ್ಯಾನದೃಷ್ಠಿಯಿಂದ ಇದನ್ನು ಅರಿತು ವಿಜಯನಗರದ ಚಕ್ರಾಧಿಪತ್ಯದ ಸ್ಥಾಪಕ ಹರಿಹರನಿಗೆ ತಿಳಿಸಿದರೆಂದು ಅದರಂತೆ ಹೊರತೆಗೆದು 150 ವರ್ಷಗಳ ಕಾಲ ಆನೆಗೊಂದಿಯಲ್ಲಿ ಅಲಂಕರಿಸಿದರೆಂದೂ ಬಳಿಕ ವಿಜಯನಗರದ ಅವನತಿಯ ವೇಳೆಗೆ ಶ್ರೀರಂಗಪಟ್ಟಣದಲ್ಲಿದ್ದ ವಿಜಯನಗರದ ರಾಯಭಾರಿಯ ಅರಮನೆಗೆ ಸಾಗಿಸಲಾಯಿತೆಂದು ಹೇಳಲಾಗಿದೆ.

ಆ ಬಳಿಕ 1609ರಲ್ಲಿ ಆಗಿನ ಮೈಸೂರು ಅರಸರಾದ ರಾಜಒಡೆಯರ್ ಶ್ರೀರಂಗರಾಜುಲುರನ್ನು ತಲಕಾಡಿಗೆ ಓಡಿಸಿ ಶ್ರೀರಂಗಪಟ್ಟಣವನ್ನು ವಶಪಡಿಸಿಕೊಂಡರು. 1610ರಲ್ಲಿ ತಮ್ಮ ರಾಜಧಾನಿಯನ್ನು ಶ್ರೀರಂಗಪಟ್ಟಣದಿಂದ ಮೈಸೂರಿಗೆ ಬದಲಾಯಿಸಿದಾಗ ಸಿಂಹಾಸನವನ್ನು ಮೈಸೂರಿನ ಅರಮನೆಗೆ ಸಾಗಿಸಲಾಯಿತು.

ಸಿಂಹಾಸನವು ಚಿನ್ನದ ಬಾಳೆಯ ಕಂಬ ಮತ್ತು ಚಿನ್ನದ ಮಾವಿನ ಎಲೆಗಳಿಂದ ಅಲಂಕರಿಸಲ್ಪಟ್ಟಿದೆ. ಛತ್ರಿಯ ತುದಿಯಲ್ಲಿ ಒಡವೆಗಳಿಂದ ಅಲಂಕರಿಸಿದ ಪಕ್ಷಿಯನ್ನು ಕೂರಿಸಲಾಗಿದೆ. ಸಿಂಹಾಸನವನ್ನು ಹತ್ತುವ ಎರಡು ಕಡೆಗಳಲ್ಲೂ ಸ್ತ್ರೀಪುತ್ಥಳಿಯನ್ನು ನಿರ್ಮಿಸಲಾಗಿದೆ.

ಜೊತೆಗೆ ಛತ್ರಿಯ ಸುತ್ತಲೂ ಮುತ್ತಿನ ಕುಚ್ಚುಗಳನ್ನು ಕಟ್ಟಲಾಗಿದೆ. ಅಲ್ಲದೆ ಸಿಂಹಾಸನಕ್ಕೆ ಕೂರ್ಮರೂಪದ ಆಸನವನ್ನು ಒದಗಿಸಲಾಗಿದೆ. ಉಭಯ ಪಾಶ್ವಗಳಲ್ಲಿ ಯಾಳಿಗಳನ್ನು ಮತ್ತು ನಾಲ್ಕು ಕಡೆಗಳಲ್ಲಿ ಬಳ್ಳಿ ಲತೆಗಳನ್ನು ಕೆತ್ತಲಾಗಿದೆ.

ಸಿಂಹಾಸನದ ದಕ್ಷಿಣದಲ್ಲಿ ಬ್ರಹ್ಮ, ಉತ್ತರದಲ್ಲಿ ಶಿವ, ಮಧ್ಯದಲ್ಲಿ ವಿಷ್ಣುವನ್ನು ನಿಲ್ಲಿಸಲಾಗಿದೆ. ವಿಜಯ ಸೂಚಕ ನಾಲ್ಕು ಸಿಂಹಗಳನ್ನು ಇಡಲಾಗಿದೆ. ಮೂರು ಕೋನಗಳಲ್ಲೂ ರಾಕ್ಷಸ ಶರೀರ, ಎರಡು ಕುದುರೆಗಳು ಮತ್ತು ನಾಲ್ಕು ಹಂಸಪಕ್ಷಿಗಳನ್ನಿಡಲಾಗಿದೆ.

ನಾಗದೇವತೆಗಳ ಚಿತ್ರಗಳು, ಸ್ವಾಸ್ತಿಕ ಆಕೃತಿ ಮತ್ತು ಮುತ್ತಿನ ಹಡಗು ಮೇಲಿನ ಗುಡಾರಗಳ ಚಿತ್ರಣಗಳಿವೆ. ಸಿಂಹಾಸನವನ್ನು ನಾಲ್ಕು ದಿಕ್ಕುಗಳಲ್ಲಿ ತೆರೆಯಲಾಗಿದೆ. ಸಿಂಹಾಸನದ ಛತ್ರಿಯ ಮೇಲೆ ಸಂಸ್ಕೃತದ 96 ಸಾಲುಗಳ ಶ್ಲೋಕಗಳಿವೆ.

ನಿಮ್ಮದೇ ಸ್ವಂತ ವೆಬ್ ಸೈಟ್ ರೂಪಿಸಿಕೊಳ್ಳಿ

ಯುವ ಪೀಳಿಗೆಯನ್ನು ಬಹುವಾಗಿ ಆಕರ್ಷಿಸುತ್ತಿರುವ ಇಂಟರ್ನೆಟ್ ಈ-ಯುಗದಲ್ಲಿ ಸಾಕಷ್ಟು ಬದಲಾವಣೆಗಳನ್ನು ಕಂಡಿದೆ. ಕೆಲ ವರ್ಷಗಳ ಹಿಂದೆ ಕೇವಲ ಸಂಪರ್ಕ ಸಾಧನೆಗಾಗಿ ಬಳಸಲಾಗುತ್ತಿದ್ದ ಇಂಟರ್ನೆಟ್ ಇಂದು ಬ್ಲಾಗ್ ಮತ್ತು ಸೋಷಿಯಲ್ ವೆಬ್ ಸೈಟ್ ಗಳ ಮುಖಾಂತರ ಪ್ರತಿಯೊಬ್ಬರ ವೈಯಕ್ತಿಕ, ಸಾರ್ವಜನಿಕ, ಸಾಮಾಜಿಕ, ಆರ್ಥಿಕ ಜೀವನದ ಅವಿಭಾಜ್ಯ ಅಂಗವಾಗಿ ಹೊರಹೊಮ್ಮಿದೆ.

ಬಹುಶಃ ಇಂಟರ್ನೆಟ್ ಮಾಧ್ಯಮವೊಂದೇ ಪ್ರತಿಯೋರ್ವನನ್ನು ಅನೇಕ ಹಂತಗಳಲ್ಲಿ ಬಂಧಿಸಿಟ್ಟಿದೆ. ನಮಗೆ ಸಂಬಂಧಿಸಿದ ಮಾಹಿತಿಯನ್ನು ಅಂತರ್ಜಾಲ ಕ್ಕೆ ಹರಿಯಬಿಡಲು ಇತರ ವೆಬ್ ಸೈಟುಗಳನ್ನು ಅವಲಂಬಿಸುವುದಕ್ಕಿಂತ ನಮ್ಮದೇ ಆದ ವೆಬ್ ಸೈಟ್ ರೂಪಿಸಿಕೊಂಡರೆ ಹೇಗೆ? ವೆಬ್ ಸೈಟನ್ನು ಈ-ಮೇಲ್ ಅಥವಾ ಸೋಷಿಯಲ್ ನೆಟ್ವರ್ಕಿಂಗ್ ವೆಬ್ ಸೈಟಲ್ಲಿ ಖಾತೆ ತೆರೆದಷ್ಟೇ ಸುಲಭವಾಗಿ ತಯಾರಿಸಬಹುದು.

ನಾವೇ ಏಕೆ ವೆಬ್ ಸೈಟ್ ರೂಪಿಸಿಕೊಳ್ಳಬೇಕು ಎಂಬುದಕ್ಕೆ ಇಲ್ಲಿ ಏಳು ಕಾರಣಗಳನ್ನು ನೀಡಲಾಗಿದೆ.

1) ಭಾವಚಿತ್ರ ಸಂಗ್ರಹ : ನಿಮ್ಮ ಫೋಟೋ ಗ್ಯಾಲರಿ ಯನ್ನು ಜಗತ್ತಿಗೆ ತೋರ್ಪಡಲು ಫೇಸ್ ಬುಕ್ ಅಥವಾ ಟ್ವಿಟ್ಟರ್ ನಂಥ ತಾಣಗಳನ್ನು ಅವಲಂಬಿಸಬೇಕಿಲ್ಲ. ನಿಮ್ಮದೇ ಆದ ವೆಬ್ ಸೈಟ್ ರೂಪಿಸಿ ಆನ್ ಲೈನ್ ಡೈರಿ ಅಥವಾ ಫೋಟೋ ಗ್ಯಾಲರಿ ಮುಖಾಂತರ ನಿಮ್ಮಿಷ್ಟದಂತೆ ಗ್ಯಾಲರಿ ತಯಾರಿಸಬಹುದು.

2) ನಿಮ್ಮ ದನಿಯನ್ನು ಜಗತ್ತೂ ಕೇಳಲಿ : ನಿಮ್ಮ ಜ್ಞಾನದ, ಅನುಭವಗಳ ಮೂಟೆಯನ್ನು ನಿಮ್ಮಂತೆಯೇ ಯೋಚಿಸುವ ಜಾಗತಿಕ ಸ್ನೇಹಿತರ ಮುಂದೆ ಬಿಚ್ಚಿಡಲು ನಿಮ್ಮ ಅಂತರ್ಜಾಲ ತಾಣಕ್ಕಿಂತ ಪ್ರಶಸ್ತ ಸ್ಥಳ ಸಿಗಲಾರದು. ಚರ್ಚಾ ವೇದಿಕೆ, ಫೋರಂಗಳಲ್ಲಿ ಯಾವುದೇ ವಿಷಯ ಕುರಿತಂತೆ ಮುಕ್ತ ಚರ್ಚೆ ನಡೆಸಬಹುದು. ನಿಮ್ಮ ದನಿಯನ್ನು ಆಲಿಸಿದವರೂ ಗೆಸ್ಟ್ ಬುಕ್ ನಲ್ಲಿ ತಮ್ಮ ಅನಿಸಿಕೆ ಪ್ರಕಟಿಸಬಹುದು.

3) ಕಡಿಮೆ ಬಂಡವಾಳ ಹೂಡಿಕೆ ಅಧಿಕ ಲಾಭ : ಆಧುನಿಕ ತಂತ್ರಜ್ಞಾನಗಳನ್ನು ಬಳಸಿಕೊಂಡು ಹಣ ಮಾಡಲು ಇಲ್ಲಿ ಸಾಧ್ಯ. ವೆಬ್ ಸೈಟ್ ಸಂದರ್ಶಕರು ಕೆಲ ಉತ್ಪನ್ನಗಳ ಮೇಲೆ ಅಥವಾ ಜಾಹೀರಾತುಗಳ ಮೇಲೆ ಅಥವಾ ಗೂಗಲ್ ಆಡ್ ಸೆನ್ಸ್, ಆಡ್ ವರ್ಡ್ಸ್ ಗಳಂಥ ಕೊಂಡಿಗಳ ಮೇಲೆ ಕ್ಲಿಕ್ಕಿಸುವಂತೆ ಮಾಡಿ ಸುಲಭವಾಗಿ ನಿಮ್ಮ ಜೇಬು ತುಂಬಿಸಿಕೊಳ್ಳಬಹುದು.

4) ಸಂಪೂರ್ಣ ಸ್ವಾತಂತ್ರ್ಯ ನಿಮ್ಮದು : ಸೋಷಿಯಲ್ ವೆಬ್ ಸೈಟುಗಳು ಇಂಟರ್ನೆಟ್ ಬಳಕೆದಾರರಿಗೆ ವೈಯಕ್ತಿಕ ಮಾಹಿತಿಯನ್ನು ನೀಡುವ ಸಕಲ ಸವಲತ್ತುಗಳನ್ನು ನೀಡಿದ್ದರೂ, ಅಲ್ಲಿ ನಿಮ್ಮಿಷ್ಟದ ಡಿಸೈನಿನಂತೆ ಪ್ರಕಟಿಸುವುದು ಸಾಧ್ಯವಿಲ್ಲ. ಸ್ವಂತ ವೆಬ್ ಸೈಟಿನಲ್ಲಿ ಯಾವುದೇ ಅಡೆತಡೆಗಳಿಲ್ಲದೆ ನಿಮ್ಮಿಷ್ಟದ ಡಿಸೈನ್ ಬಳಸಿ ಮಾಹಿತಿ ನೀಡುವ ಸಂಪೂರ್ಣ ಸ್ವಾತಂತ್ರ್ಯ ನಿಮ್ಮದು.

5) ಏಕತೆಯಲ್ಲಿ ಅನೇಕತೆ : ಏಕತೆಯಲ್ಲಿ ಅನೇಕತೆಗಳನ್ನು ಸಾಧಿಸುವುದು ವೆಬ್ ಸೈಟ್ ನಿಮ್ಮದೇ ಒಡೆತನದಲ್ಲಿ ಇದ್ದಾಗ ಮಾತ್ರ. ಒಂದೇ ಡೊಮೇನ್ ಅಡಿಯಲ್ಲಿ ವಿಭಿನ್ನ ಹಂತಗಳಲ್ಲಿ ವೈವಿಧ್ಯಮಯ ಹವ್ಯಾಸ, ಆಸಕ್ತಿ, ರುಚಿಗೆ ತಕ್ಕಂತೆ ವಿಶಿಷ್ಟಬಗೆಯ ಪುಟಗಳನ್ನು ತಯಾರಿಕೆ ಇಲ್ಲಿ ಸಾಧ್ಯವಿದೆ.

 

 

6) ಬ್ಲಾಗ್ ಮಂಡಲ : ಇಂಟರ್ನೆಟ್ ನಲ್ಲಿ ಬ್ಲಾಗುಗಳು ಇನ್ನಿಲ್ಲದಂತೆ ಜನಪ್ರಿಯವಾಗುತ್ತಿವೆ. ಸರ್ಚ್ ಇಂಜಿನ್ ಗಳಿಗೆ ಕೂಡ ಬ್ಲಾಗ್ ಗಳೆಂದರೆ ವಿಶೇಷ ಮಮತೆ. ಓದುಗರ ಸೃಜನಾತ್ಮಕತೆಯನ್ನು ಬಡಿದೆಬ್ಬಿಸಲು ಬ್ಲಾಗುಗಳು ಬಹಳ ಸಹಕಾರಿಯಾಗುತ್ತಿವೆ. ನೆಟ್ಟಿಗರನ್ನು ಹೆಚ್ಚು ಹೆಚ್ಚಾಗಿ ಸೆಳೆಯಲು ಬ್ಲಾಗ್ ಗಳಿಗೆ ಕೂಡ ಇಲ್ಲಿ ಅವಕಾಶ ನೀಡಲು ಸಾಧ್ಯ.

7) ಜೇಬಿಗೆ ಭಾರವಲ್ಲ : ಹಣ ಹೂಡಿಕೆ ಗಾಬರಿ ಬೀಳುವಂಥ ವಿಷಯವೇ ಅಲ್ಲ. ವೈಯಕ್ತಿಕ ಬಳಕೆಗಾಗಿಯೇ ಇರಲಿ ವ್ಯಾಪರಕ್ಕಾಗಿಯೇ ಇರಲಿ ನಿಮ್ಮ ಕೈಗೆಟಕುವ ದರದಲ್ಲಿ ವೆಬ್ ಸೈಟ್ ರೂಪಿಸುವುದು ಜೇಬಿಗೇನು ಭಾರವಾಗಲಾರದು. ವಾರಕ್ಕೆರಡು ಸಿನೆಮಾ ನೋಡುವವರು ದರ ನೋಡಿ ಬೇಸ್ತು ಬಿದ್ದರೂ ಆಶ್ಚರ್ಯವಿಲ್ಲ. ಡೊಮೇನ್ ಹೆಸರು ಪಡೆಯಲು ವರ್ಷಕ್ಕೆ ಕೇವಲ 185 ರು.! ಹೋಸ್ಟಿಂಗ್ ಪ್ಲಾನ್, ಸಾಕಷ್ಟು ಸ್ಥಳ, ಒಂದು ಉಚಿತ ಈ-ಮೇಲ್ ಖಾತೆ, ಮಾಹಿತಿ ವರ್ಗಾವಣೆ ಮುಂತಾದ ಸೌಲಭ್ಯಗಳು ಈ ದರಕ್ಕೇ ಸಿಗಲಿವೆ.

ರವಿ ಬೆಳಗೆರೆ “ಫಸ್ಟ್ ಹಾಫ್…”

ಇಂತಿಪ್ಪ “ಫಸ್ಟ್ ಹಾಫ್…” ಕೃತಿಯ ಕೆಲಪುಟಗಳನ್ನು ಆ ಮೂಲಕ ಬೆಳಗೆರೆಯವರ ಅನುಭವದ ನುಡಿಗಳನ್ನು ಜೊತೆ ಜೊತೆಗೇ ಹಲವು ಅಮೂಲ್ಯ ಭಾವಚಿತ್ರಗಳನ್ನೂ ಸಹಾ ಈ ಬ್ಲಾಗಿನಲ್ಲಿ ಪ್ರಕಟಿಸಲಾಗುತ್ತಿದೆ. ಒಮ್ಮೆ ಭೇಟಿ ಮಾಡಿ ತಮ್ಮ ಅನಿಸಿಕೆ, ಸಲಹೆ ಹಾಗೂ ಅಭಿಪ್ರಾಯಗಳನ್ನು ತಿಳಿಸಿ.

ಈ ಲಿಂಕನ್ನು ಕ್ಲಿಕ್ ಮಾಡಿ.

ಇಂಟರ್ ನೆಟ್ ಇದ್ದರಷ್ಟೇ ವ್ಯಾಪಾರಕ್ಕೆ ವ್ಯಾಪಕ ಲಾಭ

ಇಂದಿನ ಸ್ಪರ್ಧಾತ್ಮಕ ಜಗತ್ತಿನಲ್ಲಿ ತ್ವರಿತವಾಗಿ ಬೆಳೆಯುತ್ತಿರುವ ತಂತ್ರಜ್ಞಾನದೊಡನೆ ನಿಮ್ಮ ವ್ಯಾಪಾರ, ವಹಿವಾಟನ್ನು ಹೊಂದಿಸಿಕೊಳ್ಳದಿದ್ದರೆ. ಮಾರುಕಟ್ಟೆಯಲ್ಲಿ ನಿಮ್ಮ ಸಂಸ್ಥೆ ಹಳೆ ಗುಜರಿ ಅಂಗಡಿಯಂತೆ ಕಾಣುವುದಂತೂ ಖಂಡಿತ. ಆದ್ದರಿಂದ ಅನುಭವದ ಜೊತೆಗೆ ಹೊಸ ತಂತ್ರಜ್ಞಾನವನ್ನು ಸಮವಾಗಿ ಬೆರೆಸಿ ಸಂಸ್ಥೆಯನ್ನು ಮುನ್ನೆಡೆಸುವ ಅಗತ್ಯವಿದೆ.

ಸಣ್ಣ ಪ್ರಮಾಣದ ಉದ್ದಿಮೆಯಿಂದ ಹಿಡಿದು, ಮಧ್ಯಮ, ಭಾರಿ ಗಾತ್ರದ ಕೈಗಾರಿಕೆಗಳಿಗೂ ಕೂಡಾ ಇಂಟರ್ ನೆಟ್ ಸಹಾಯಕವಾಗಬಲ್ಲದು. 'ಇಂಟರ್ ನೆಟ್ ಎಂಬುದು ಸಾಫ್ಟ್ ವೇರ್ ಕಂಪೆನಿಗಳ ಅಗತ್ಯತೆ, ಇತರೆ ಕಂಪೆನಿಗಳಿಗೆ ಅದರ ಅವಶ್ಯಕತೆ ಇಲ್ಲ' ಎಂಬ ಅಘೋಷಿತ ಮಾತು ಉದ್ದಿಮೆ ರಂಗಗಳಲ್ಲಿ ಚಾಲ್ತಿಯಲ್ಲಿದೆ. ಇದು ಸತ್ಯಕ್ಕೆ ದೂರವಾದ ಮಾತು.

ನಿಮ್ಮ ವ್ಯಾಪಾರ ವಹಿವಾಟು ವರ್ಲ್ಡ್ ವೈಡ್ ವೆಬ್ ಗೆ ಒಮ್ಮೆ ಸೇರಿದರೆ ಸಾಕು ಹಲವಾರು ಅವಕಾಶಗಳು ನಿಮ್ಮ ಕಂಪೆನಿ ಬಾಗಿಲು ತಟ್ಟಲಾರಂಭಿಸುತ್ತದೆ. ಮಾರ್ಕೆಟಿಂಗ್, ಜಾಹೀರಾತು, ಕಂಪೆನಿಯ ವರ್ಚಸ್ಸು ಹೆಚ್ಚಿಸುವುದಕ್ಕೆ, ಸಂವಹನ ಸಂಪರ್ಕ ಸಾಧಿಸುವುದಕ್ಕೆ, ಗ್ರಾಹಕರೊಡನೆ ಸದಾ ನೇರ ಸಂಪರ್ಕ ಹೊಂದುವುದಕ್ಕೆ ಹಾಗೂ ಕಡಿಮೆ ಅವಧಿಯಲ್ಲಿ ಉತ್ತಮ ಉತ್ಪನ್ನಗಳನ್ನು ಹೊರ ತರುವುದಕ್ಕೆ ಇಂಟರ್ ನೆಟ್ ಸಹಕಾರಿಯಾಗಲಿದೆ.

ಇತ್ತೀಚೆಗೆ ಸಾಕಷ್ಟು ಜನಪ್ರಿಯತೆ ಗಳಿಸಿರುವ ಬ್ಲಾಗ್ ಗಳನ್ನು ಹೊಂದಿದರೆ, ವೆಬ್ ಪ್ರಪಂಚದಲ್ಲಿ ಕಾಲಿರಿಸಿದಂತೆ ಎಂಬ ಭ್ರಮೆ ಇದ್ದರೆ ಈಗಲೇ ಬದಲಾಯಿಸಿಕೊಳ್ಳಿ. ಬ್ಲಾಗ್ ಗಳು ಸರಳವಾಗಿ ಆಕರ್ಷಕವಾಗಿ ಕಂಡರೂ ಅದು ಬಾಡಿಗೆ ಮನೆ ಇದ್ದಂತೆ, ಸ್ವಂತ ವೆಬ್ ತಾಣ ಹೊಂದಿ, ಸ್ವಂತ ಮನೆಯಲ್ಲಿ ಇರುವ ಸುಖ ಪಡೆಯುವ ಹಂಬಲ ನಿಮ್ಮದಾಗಬೇಕು.

ಬ್ಲಾಗ್ ನಲ್ಲಿರುವ ವಿಷಯಗಳು ನಿಮ್ಮದಾದರೂ ಅದರ ಒಡೆತನ ಗೂಗಲ್  ಅಥವಾ ಇನ್ಯಾವುದೋ ಸಂಸ್ಥೆಗೆ ಸೇರಿರುತ್ತದೆ. ಗೂಗಲ್ ನ ನಿಯಮಾವಳಿಗೆ ತಕ್ಕಂತೆ ನಿಮ್ಮ ಲೇಖನಗಳು, ಚಿತ್ರಗಳು ಹಾಗೂ ಪೂರ್ತಿ ಬ್ಲಾಗ್ ಕುಣಿಯಬೇಕಾಗುತ್ತದೆ. ಅಲ್ಲದೆ, ನಿಯಮ ಮುರಿದರೆ ಇದ್ದಕ್ಕಿದ್ದಂತೆ ನಿಮ್ಮ ಬ್ಲಾಗ್ ಅನ್ನು ಶಾಶ್ವತವಾಗಿ ಕಳೆದುಕೊಳ್ಳುವ ಭಯ ಕೂಡ ಇರುತ್ತದೆ. ಇದಲ್ಲದೆ, ನಿಮ್ಮ ಅಗತ್ಯಕ್ಕೆ ಬ್ಲಾಗ್ ಅನ್ನು ವಿನ್ಯಾಸಗೊಳಿಸಿಕೊಳ್ಳಬೇಕಾದರೆ ಕೊಂಚ ಪರಿಣತಿ ಕೂಡಾ ಬೇಕು. ಇಲ್ಲದಿದ್ದರೆ ಒಂದು ಮಾಡಲು ಹೋಗಿ ಮತ್ತೊಂದು ಮಾಡಿದ ಹಾಗೆ ಆದರೆ ಕಷ್ಟ.

ಆನ್ ಲೈನ್ ನಲ್ಲಿ ನಿಮ್ಮ ಕಂಪೆನಿಗೆ ಆದ ಒಂದು ಪ್ರತ್ಯೇಕ ಸ್ಥಾನ ಸಿಗಬೇಕಾದರೆ ವಿಶಿಷ್ಟವಾದ ವೆಬ್ ತಾಣವನ್ನು ಹೊಂದುವುದು ಮುಖ್ಯ. ನಿಮ್ಮ ಸಂಸ್ಥೆಯ ಉತ್ಪನ್ನ ಹಾಗೂ ಸೇವೆಗಳ ಬಗ್ಗೆ ವೆಬ್ ಮೂಲಕ ನಿಮ್ಮ ಗ್ರಾಹಕರು, ಸ್ನೇಹಿತರು, ಕುಟುಂಬ ವರ್ಗ ಹಾಗೂ ಇನ್ನಿತರ ಸಾರ್ವಜನಿಕರು ಸುಲಭವಾಗಿ ತಿಳಿದುಕೊಳ್ಳಬಹುದು.

ವೆಬ್ ತಾಣಕ್ಕೊಂದು ಸೂಕ್ತ ಹೆಸರು:ಮೊದಲೇ ಹೇಳಿದಂತೆ ಬ್ಲಾಗ್ ನಲ್ಲಿ ಈ ಸೌಲಭ್ಯಗಳು ಸಿಗುವುದಿಲ್ಲ. ಪರಿಣತಿ ಇಲ್ಲದಿದ್ದರೆ ನಿಮ್ಮ ಬ್ಲಾಗ್ ಅನ್ನು ಉಪಯೋಗಿಸಿ ಪರಿಪೂರ್ಣ ಲಾಭ ಗಳಿಸಲು ಸಾಧ್ಯವಿಲ್ಲ. ವೆಬ್ ತಾಣಗಳಲ್ಲಿ .in, .edu, .org, .net ಹೀಗೆ ಆಯ್ಕೆಗಳಿದ್ದರೂ ಉದ್ದಿಮೆಗಳಿಗೆ .com ಬಳಸುವುದು ಉತ್ತಮ.

ವೆಬ್ ತಾಣ ರೂಪಿಸುವ ಮೊದಲು ವೆಬ್ ತಾಣಕ್ಕೊಂದು ಸೂಕ್ತ ಹೆಸರು ಪಡೆಯಬೇಕು. ನಿಮ್ಮ ಸಂಸ್ಥೆ ಅಥವಾ ಬ್ರ್ಯಾಂಡ್ ನೇಮ್ ಹೆಸರನ್ನು ಬಳಸಿ ನೋಂದಣಿ ಮಾಡಿಕೊಳ್ಳಬಹುದು.

ನೀವು ನೋಂದಣಿ ಮಾಡಿಕೊಳ್ಳುವ ಹೆಸರು ಸರ್ಚ್ ಇಂಜಿನ್ ಗೆ ಸಿಗುವ ರೀತಿಯಲ್ಲಿದ್ದರೆ ಸೂಕ್ತ. ಹಾಗೂ ಡೊಮೈನ್ ನೇಮ್ ಆನ್ನು ಎಷ್ಟು ಕಾಲಕ್ಕಾಗಿ ಖರೀದಿಸಿದ್ದೀರಾ ಎಂಬುದು ಮುಖ್ಯ. ಕಡಿಮೆ ಅವಧಿಯ ತಾತ್ಕಾಲಿಕ ಡೊಮೆನ್ ನೇಮ್ ಪಡೆದು ಆಮೇಲೆ ಕಷ್ಟ ಪಡುವ ಬದಲು ದೀರ್ಘಾವಧಿ ಅವಧಿಗೆ ಡೊಮೈನ್ ಪಡೆಯುವುದು ಜಾಣತನ.

ಡೊಮೈ ನ್ ನೇಮ್ ನೋಂದಣಿ ಆದ ಮೇಲೆ, ಅಗತ್ಯಕ್ಕೆ ತಕ್ಕ ಹಾಗೆ ಇಮೇಲ್ ವಿಳಾಸಗಳನ್ನು ರೂಪಿಸುವುದು ಮುಖ್ಯ. ಏಕೆಂದರೆ, ನಿಮ್ಮ ಗ್ರಾಹಕರೊಡನೆ ಸಂಪರ್ಕ ವಿಳಾಸ ಇದೇ ಇ ಮೇಲ್ ಗಳ ಮೂಲಕ ಆಗುವುದು ಜಾಸ್ತಿ.

ಇದಲ್ಲದೆ, ಸ್ವಂತದ ವೆಬ್ ತಾಣದ ಹೆಸರು ಹೊಂದಿದ ಮೇಲೆ ನಿಮಗೆ ಅಗತ್ಯ ವಿರುವಷ್ಟು ಡೊಮೈನ್ ಸ್ಪೇಸ್ ಖರೀದಿಸಬೇಕು. ನಂತರ ಸುಲಭ ರೀತಿಯಲ್ಲಿ ಅದನ್ನು ನಿಮ್ಮ ಅಗತ್ಯಕ್ಕೆ ತಕ್ಕಂತೆ ಪಳಗಿಸಿಕೊಳ್ಳಬೇಕು. ಸರಳವಾದ HTML ಪೇಜುಗಳಿಂದ ಹಿಡಿದು, ವರ್ಲ್ಡ್ ಪ್ರೆಸ್ ಮಾದರಿ CMS ಬಳಕೆಗೆ ಕೂಡಾ ಅವಕಾಶವಿರಬೇಕು. 

              ಒಟ್ಟಿನಲ್ಲಿ ಡೊಮೈನ್ ಹೋಸ್ಟಿಂಗ್ ಮೂಲಕ ನಿಮ್ಮ ಸಂಸ್ಥೆಯ ಪ್ರಭೆಯನ್ನು ಎಲ್ಲೆಡೆ ಹರಡಬಹುದು. ಆಗಿದ್ದ್ದರೆ ಇನ್ನೇಕೆ ತಡ ಈಗಲೇ ನೋಂದಾಯಿಸಿ ಹಾಗೂ ನಿಮ್ಮ ವ್ಯಾಪಾರ ವೃದ್ಧಿಸುವ ಹೊಸ ವಿಧಾನವನ್ನು ಕಂಡುಕೊಳ್ಳಿ

ನಿಮ್ಮದೇ ಆದ ವೆಬ್ ತಾಣ ಹೊಂದಬೇಕೆ ಹೆಚ್ಚಿನ ಮಾಹಿತಿಗೆ ಕ್ಲಿಕ್ಕಿಸಿ
 

ಇಂಟರ್ನೆಟ್ಟಲ್ಲಿ ಕನ್ನಡ ಟೈಪ್ ಮಾಡುವುದು ಹೇಗಯ್ಯಾ?

ಇದೊಂದು ದೊಡ್ಡ ಸಮಸ್ಯೆ ಅಂತ ಈಗ ಗೊತ್ತಾಯಿತು. ತುಂಬ ಜನರಿಗೆ ಕನ್ನಡದಲ್ಲಿ ಬರೆಯಲು ಬರುತ್ತೆ. ಆದರೆ ಕಂಪ್ಯೂಟರಿನಲ್ಲಿ ಟೈಪ್ ಮಾಡಲು ಕಷ್ಟವಾಗುತ್ತಿದೆ. ಅನೇಕರು ಈ-ಮೇಲಲ್ಲಿ ಈ ಕುರಿತು ಪ್ರಶ್ನೆ ಕೇಳಿದ್ದಾರೆ. ಅಂಥವರಿಗೆ ಕೆಲ ಸರಳ ಮಾಹಿತಿ ಇಲ್ಲಿದೆ.

A. ಯೂನಿಕೋಡ್ ಹಾಗೂ ಇಂಟರ್ನೆಟ್ಟಿನಲ್ಲಿ ಕನ್ನಡ ಅಕ್ಷರ ಕುರಿತ ಮೂಲಜ್ಞಾನ.
B. ಕನ್ನಡ ಟೈಪಿಸುವ 6 ವಿಧಾನಗಳು. ಸುಲಭವಾದದ್ದನ್ನು ಆರಿಸಿಕೊಳ್ಳಬಹುದು.
C. ಕನ್ನಡ ಟೈಪಿಸುವ 4 ಕೀಬೋರ್ಡ್ ವಿನ್ಯಾಸಗಳ ಪುಟ್ಟ ಮಾಹಿತಿ.

A. ಯೂನಿಕೋಡ್ ಹಾಗೂ ಇಂಟರ್ನೆಟ್ಟಿನಲ್ಲಿ ಕನ್ನಡ ಅಕ್ಷರ ಕುರಿತ ಮೂಲಜ್ಞಾನ.
ಕನ್ನಡ ಯೂನಿಕೋಡ್: ತೀರಾ ಟೆಕ್ನಾಲಜಿ ಕೊರೆತ ಬೇಡ. ಕೇವಲ ಎರಡು-ಮೂರು ವಾಕ್ಯಗಳಲ್ಲಿ ಯೂನಿಕೋಡಿನ ಸ್ಥೂಲ ಪರಿಚಯ ಇದ್ದರೆ ಸಾಕು. ಯುನಿಕೋಡ್ ಅಂದರೆ, ಇಂಟರ್ನೆಟ್ಟಿನಲ್ಲಿ ಬಳಸುವ ಅಕ್ಷರಗಳ ಒಂದು ಶಿಷ್ಟಪದ್ಧತಿ. ಜಗತ್ತಿನ ನೂರಾರು ಭಾಷೆಯ ಅಕ್ಷರಗಳನ್ನು ಇದೊಂದೇ ನಮೂನಿಯಲ್ಲಿ ಬರೆಯಬಹುದು ಹಾಗೂ ಓದಬಹುದು. ಇದರಿಂದಾಗಿ, ಬೇರೆ ಬೇರೆ ಭಾಷೆಯವರು ಬೇರೆ ಬೇರೆ ಭಾಷೆಯ ಫಾಂಟುಗಳನ್ನು ಸಿಕ್ಕ ಸಿಕ್ಕ ಕಂಪ್ಯೂಟರಿನಲ್ಲೆಲ್ಲಾ Install ಮಾಡಿಕೊಳ್ಳಬೇಕೆಂಬ ತಾಪತ್ರಯವಿಲ್ಲ. ಕಂಪ್ಯೂಟರಿನಲ್ಲಿ ಯೂನಿಕೋಡ್ ಹಾಗೂ ಸ್ಥಳೀಯ ಭಾಷೆಯನ್ನು Enable ಮಾಡಿದರೆ ಸಾಕು. UTF ಅಥವಾ UTF8 ಮಾದರಿಯಲ್ಲಿ ಯೂನಿಕೋಡ್ ಬರಹಗಳನ್ನು ಸೇವ್ ಮಾಡಲಾಗಿರುತ್ತದೆ. ಈಗ ಇಂಟರ್ನೆಟ್ಟಿನಲ್ಲಿ, ಕನ್ನಡ ಸೇರಿದಂತೆ ಬಹುತೇಕ ಭಾಷೆಗಳ ಬ್ಲಾಗುಗಳು ಹಾಗೂ ವೆಬ್ ಸೈಟುಗಳು ಬಳಸುವುದು ಯೂನಿಕೋಡ್ ಮಾದರಿಯ ಅಕ್ಷರಗಳನ್ನು. (ಯೂನಿಕೋಡ್ ಕುರಿತು ಹೆಚ್ಚು ತಿಳಿಯಲು ಇಲ್ಲಿ ನೋಡಿ.)

B. ಕನ್ನಡ ಟೈಪಿಸುವ 6ವಿಧಾನಗಳು.

ಯೂನಿಕೋಡ್ ಆಧರಿಸಿ ಇಂಟರ್ನೆಟ್ಟಿನಲ್ಲಿ ಕನ್ನಡ ಟೈಪ್ ಮಾಡುವುದು ತೀರಾ ಸುಲಭ. ಆದರೆ, ಮೊದಲು, ನಿಮ್ಮ ಕಂಪ್ಯೂಟರ್ ಹಾಗೂ ಬ್ರೌಸರ್, ಕನ್ನಡ ಯೂನಿಕೋಡನ್ನು ಅರ್ಥ ಮಾಡಿಕೊಳ್ಳುತ್ತಿದೆಯೇ - ಎಂದು ಮೊದಲು ಅರಿತುಕೊಳ್ಳಿ. ನಿಮ್ಮ ಕಂಪ್ಯೂಟರಿನಲ್ಲಿ Windows 2003 ಅಥವಾ XP ಇದ್ದರೆ, ಸಾಮಾನ್ಯವಾಗಿ ಕನ್ನಡ ಯೂನಿಕೋಡ್ ಅಕ್ಷರಗಳು ಕಾಣಿಸುತ್ತವೆ. ಆದರೆ, ಎಲ್ಲ ಬ್ರೌಸರುಗಳಲ್ಲಿ ಹಾಗೂ ಸಾಫ್ಟ್ ವೇರುಗಳಲ್ಲಿ ಯೂನಿಕೋಡ್ ಅಕ್ಷರ ಕಾಣಿಸುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ. ಅಕ್ಷರಗಳಿದ್ದ ಜಾಗದಲ್ಲಿ ಅಥವಾ ಕಾಣಿಸಿದರೆ, ಆ ಸಾಫ್ಟ್ ವೇರ್ ಅಥವಾ ಬ್ರೌಸರ್ ಯೂನಿಕೋಡ್ ಅಕ್ಷರಗಳನ್ನು ಬೆಂಬಲಿಸುತ್ತಿಲ್ಲ ಎಂದು ಅರ್ಥ. Windows 95 ಹಾಗೂ 98, ಕನ್ನಡ ಯೂನಿಕೋಡನ್ನು ಬೆಂಬಲಿಸುವುದಿಲ್ಲ.

ಕನ್ನಡ ಯೂನಿಕೋಡ್ ಅಕ್ಷರಗಳನ್ನು ಬರೆಯಲು ಬೇಕಾದ ಟೂಲ್.
ಈ ಕೆಳಗಿನ ಆರು ಟೂಲ್ ಬಳಸಿ ಸುಲಭವಾಗಿ ಕನ್ನಡ ಅಕ್ಷರಗಳನ್ನು ಟೈಪ್ ಮಾಡಬಹುದು.
1. ಬರಹ IME
2. ಬರಹ ಪ್ಯಾಡ್
3. ಗೂಗಲ್ ಇಂಡಿಕ್ ಟ್ರಾನ್ಲ್ ಲಿಟರೇಶನ್ ಟೂಲ್
4. ಕ್ವಿಲ್ ಪ್ಯಾಡ್ ಆನ್ ಲೈನ್ ಕನ್ನಡ ಟೂಲ್
5. ವಿಂಡೋಸ್ XP ಲಾಂಗ್ವೇಜ್ ಟೂಲ್ / ವಿಂಡೋಸ್ ಕನ್ನಡ IME
6. ಗೂಗಲ್ಲಿನ ಸರಳ ಕನ್ನಡ Bookmarklet

1. ಬರಹ IME : ಬರಹ - ಕನ್ನಡದ ಒಂದು ಅದ್ಭುತ, ಉಚಿತ ಸಾಫ್ಟ್ ವೇರ್. ಕಂಪ್ಯೂಟರ್ ಹಾಗೂ ಇಂಟರ್ನೆಟ್ಟಿನಲ್ಲಿ ಕನ್ನಡ ಬಳಸಲು ಬೇಕಾದ ಬಹುತೇಕ ಎಲ್ಲ Toolಗಳನ್ನೂ "ಬರಹ" ಒಳಗೊಂಡಿದೆ. ಹವ್ಯಾಸಿ ಕನ್ನಡ ಬರಹಗಾರರಿಗೆ, ಅಂತರ್ಜಾಲದಲ್ಲಿ ಕನ್ನಡ ಟೈಪಿಸಲು "ಬರಹ-IME" ಉತ್ತಮ ಟೂಲ್. IME ಅಂದರೆ Input Method Editor. ಇದೊಂದು ಒಂದು ಚಿಕ್ಕ ಪ್ರೋಗ್ರಾಂ.




BarahaIME is a transliteration based software, which can be used to type Indian language Unicode text directly into applications such as Internet Explorer, MS Word, Notepad, e.t.c. It also provides functions for sorting/converting Indian language text. When BarahaIME program is started, it shows as an icon in the system tray at the bottom-right portion of the screen. BarahaIME Supports Kannada, Hindi, Marathi, Sanskrit, Tamil, Telugu, Malayalam, Gujarati, Gurumukhi, Bengali, Assamese, Manipuri and Oriya languages.

ವಿವರಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

2. ಬರಹ ಪ್ಯಾಡ್: ಇತ್ತೀಚೆಗೆ ಬರಹ 8.0 ಹೊಸ ವರ್ಷನ್ ಬಿಡುಗಡೆಯಾಗಿದೆ. ಇದರೊಂದಿಗೆ ಬರಹ ಪ್ಯಾಡ್ ಎಂಬ ಟೂಲ್ ಕೂಡ ಇದೆ. ಇದು ವಿಂಡೋಸ್ ನೋಟ್ ಪ್ಯಾಡಿನಂಥ ಒಂದು ಟೂಲ್. ಇದರಲ್ಲಿ ಕನ್ನಡ ಅಕ್ಷರಗಳನ್ನು ಸುಲಭವಾಗಿ ಟೈಪ್ ಮಾಡಬಹುದು. ಅದನ್ನು ಯೂನಿಕೋಡ್ ನೂಮೂನೆಯಲ್ಲೇ ಸೇವ್ ಮಾಡಬಹುದು ಅಥವಾ ಅದರಲ್ಲಿ ಟೈಪ್ ಮಾಡಿದ ಅಕ್ಷರಗಳನ್ನು ಕಾಪಿ ಮಾಡಿ, ಬ್ಲಾಗುಗಳಲ್ಲಿ ಅಥವಾ ಈಮೇಲುಗಳಲ್ಲಿ ಅಥವಾ ಇನ್ನೆಲ್ಲಾದರೂ ಪೇಸ್ಟ್ ಮಾಡಬಹುದು.

3. ಗೂಗಲ್ ಇಂಡಿಕ್ ಟ್ರಾನ್ಲ್ ಲಿಟರೇಶನ್ ಟೂಲ್ : ಇಂಗ್ಲಿಷ್ ಟೈಪಿಂಗ್ ಮೂಲಕ, ಭಾರತೀಯ ಭಾಷಾ ಅಕ್ಷರಗಳು ಇಂಟರ್ನೆಟ್ಟಿನಲ್ಲಿ ಸುಲಭವಾಗಿ ಕಾಣುವಂತೆ ಮಾಡಲು ಗೂಗಲ್ - ಆನ್ ಲೈನ್ ಇಂಡಿಕ್ ಟ್ರಾನ್ಸ್ ಲಿಟರೇಶನ್ ಟೂಲ್ ಬಿಡುಗಡೆ ಮಾಡಿದೆ. "ಫೊನೆಟಿಕ್ ವಿನ್ಯಾಸ" ಆಧಾರಿತ ಈ ಟೂಲ್ ಕನ್ನಡದ ಹವ್ಯಾಸಿ ಬಳಕೆದಾರರಿಗೆ ಯೋಗ್ಯ. ಜಿಮೇಲ್, ಬ್ಲಾಗರ್ ಮುಂತಾದ ಗೂಗಲ್ ಸೇವೆಗಳಲ್ಲಿ ಈ ಟೂಲನ್ನು ನೇರವಾಗಿ ಬಳಸಬಹುದು ಅಥವಾ ಈ ಟೂಲ್ ಬಳಸಿ ಕನ್ನಡಲ್ಲಿ ಟೈಪ್ ಮಾಡಿ ಅದನ್ನು ಕಟ್ ಮಾಡಿ ಬೇಕಾದಲ್ಲಿ ಪೇಸ್ಟ್ ಮಾಡಬಹುದು.

Google Indic Transliteration offers an option for converting Roman characters to the Indian Language characters used in Hindi, Kannada, Tamil etc.. This lets you type Indian Language words phonetically in English script and still have them appear in their correct alphabet. Note that this is not the same as translation -- it is the sound of the words that are converted from one alphabet to the other, not their meaning. For example, typing "Baruttane" transliterates into kannada as: ಬರುತ್ತಾನೆ.

Transliteration is now available in Bengali, Gujarati, Hindi, Kannada, Malayalam, Marathi, Nepali, Tamil, and Telugu. The transliteration feature is available in GMail, Knol, Orkut scraps, Blogger, as part of the Google Language API, and as an iGoogle gadget.

ಈ ಟೂಲ್ ಬಳಸಲು ಇಲ್ಲಿ ಕ್ಲಿಕ್ ಮಾಡಿ. ಅಥವಾ ವಿವರಗಳು ಬೇಕಾದರೆ ಇಲ್ಲಿ ನೋಡಿ.

ಇದೇ ಟೂಲ್ ಆದಾರಿತ ಹೊಸ ಸರಳ ಕನ್ನಡ Bookmarklet ಎಂಬ ಇನ್ನೊಂದು ಟೂಲ್ ಇದೆ. ಆ ಕುರಿತ ಮಾಹಿತಿ ಇಲ್ಲಿದೆ.

4. ಕ್ವಿಲ್ ಪ್ಯಾಡ್ ಆನ್ ಲೈನ್ ಕನ್ನಡ ಟೂಲ್ : ಗೂಗಲ್ ಇಂಡಿಕ್ ಟ್ರಾನ್ಸ್ ಲಿಟರೇಶನ್ ಟೂಲ್ ಬಿಡುಗಡೆ ಆಗುವುದಕ್ಕೂ ಮೊದಲೇ ಬೆಂಗಳೂರಿನ Tachyon Technologies ಕಂಪನಿ ಕ್ವಿಲ್ ಪ್ಯಾಡ್ ಎಂಬ ಆನ್ ಲೈನ್ ಕನ್ನಡ ಟ್ರಾನ್ಲ್ ಲಿಟರೇಶನ್ ಟೂಲ್ ಬಿಡುಗಡೆ ಮಾಡಿತ್ತು. ಈ ಟೂಲನ್ನು ಕೆಲವು ಮೊಬೈಲ್ ಫೋನ್ ಕಂಪನಿಗಳೂ ಹ್ಯಾಂಡ್ ಸೆಟ್ಟಿನಲ್ಲಿ ಅಳವಡಿಸಿವೆ. ಇದನ್ನು ಕೂಡ ಗೂಗಲ್ ಇಂಡಿಕ್ ಟ್ರಾನ್ಸ್ ಲಿಟರೇಶನ್ ಟೂಲ್ ರೀತಿಯೇ ಬಳಸಬಹುದು.

ಹೆಚ್ಚಿನ ಮಾಹಿತಿಗೆ ಹಾಗೂ ಟೂಲ್ ಬಳಸಲು ಇಲ್ಲಿ ಕ್ಲಿಕ್ ಮಾಡಿ.


5. ವಿಂಡೋಸ್ XP ಲಾಂಗ್ವೇಜ್ ಟೂಲ್: ಇದು ವಿಂಡೋಸ್ ಬಳಕೆದಾರರಿಗೆ ವರದಾನ. ವಿಂಡೋಸ್ XP ಹಾಗೂ ಆನಂತರದ ವಿಂಡೋಸ್ ಸಾಫ್ಟ್ ವೇರ್ ಕನ್ನಡ ಸೇರಿದಂತೆ ಅನೇಕ ಭಾರತೀಯ ಭಾಷೆಗಳನ್ನು ನೇರವಾಗಿ ಟೈಪ್ ಮಾಡಲು ಅವಕಾಶ ಮಾಡಿಕೊಟ್ಟಿದೆ. ಇದು ನಾಲ್ಕು ರೀತಿಯ ಕಿಬೋರ್ಡ್ ವಿನ್ಯಾಸವನ್ನು ಹೊಂದಿದೆ. ಫೊನೆಟಿಕ್ ಟ್ರಾನ್ಸ್ ಲಿಟರೇಷನ್ ಕೀಬೋರ್ಡ್, ಬಳಕೆದಾರರ ಸ್ನೇಹಿ ಕಗಪ ಕೀಬೋರ್ಡ್, ವೇಗದ ಬಳಕೆದಾರರಿಗೆ ಬೇಕಾದ ಇನ್ ಸ್ಕ್ರಿಪ್ಟ್ ಕೀಬೋರ್ಡ್, ಕನ್ನಡ ಟೈಪ್ ರೈಟಿಂಗ್ ಗೊತ್ತಿರುವವರಿಗೆ ಟೈಪ್ ರೈಟರ್ ಕೀಬೋರ್ಡ್. ಅದರಲ್ಲಿ ಕನ್ನಡ (ತುಂಗಾ) ಫಾಂಟ್ ಡಿಫಾಲ್ಟ್ ಆಗಿ ಲಭ್ಯವಿದೆ. ಭಾರತೀಯ ಭಾಷೆ ಟೈಪ್ ಮಾಡುವ ಮೊದಲು ಆ ಸೇವೆಯನ್ನು Enable ಮಾಡಬೇಕು ಅಷ್ಟೇ. ಅದಕ್ಕೆ ಈ ಕೆಳಗಿನಂತೆ ಮಾಡಿ.

1. ನಿಮ್ಮ ಬಳಿ XP ಸೀಡಿ ಇದ್ದರೆ, ಅದನ್ನು ಸೀಡಿ ಡ್ರೈವ್ ಗೆ ಹಾಕಿ ಅಥವಾ ಇಲ್ಲಿಂದ ಕನ್ನಡ ಭಾಷಾ IMEಯನ್ನು ಡೌನ್ ಲೋಡ್ ಮಾಡಿಕೊಳ್ಳಿ.

2. Start button ಕ್ಲಿಕ್ ಮಾಡಿ, Control panel ತೆರೆಯಿರಿ.

3. ಅದರಲ್ಲಿ Regional and language options ಎಂಬ ಐಕಾನ್ ಸಿಗುತ್ತದೆ. ಅದನ್ನು ಡಬಲ್ ಕ್ಲಿಕ್ ಮಾಡಿ.

4. ಆಗ ತೆರೆಯುವ ಪಾಪ್ ಅಪ್ ಬಾಕ್ಸ್ ನಲ್ಲಿ Languages ಎಂಬ ಟ್ಯಾಬ್ ಇದೆ. ಅದನ್ನು ಕ್ಲಿಕ್ ಮಾಡಿ.

5. ಅದರಲ್ಲಿ Install files for complex script and right-to-left languages (including Thai) ಎಂಬ ಆಯ್ಕೆಯನ್ನು select ಮಾಡಿ.

6. ಇಷ್ಟಾದ ಮೇಲೆ ಅದೇ ಟ್ಯಾಬ್ ನಲ್ಲಿರುವ Details ಎಂಬ ಬಟನ್ ಕ್ಲಿಕ್ ಮಾಡಿ. Text services and input languages ಎಂಬ ಪಾಪ್ ಅಪ್ ತೆರೆದುಕೊಳ್ಳುತ್ತದೆ.

7. ಅಲ್ಲಿ Add ಬಟನ್ ಕ್ಲಿಕ್ ಮಾಡಿ. Add input language ಎಂಬ ಪಾಪ್ ಅಪ್ ತೆರೆದುಕೊಳ್ಳುತ್ತದೆ. ಅದರಲ್ಲಿ Input language ಎಂಬ ಆಯ್ಕೆಯಿದ್ದು, ಅದನ್ನು ಕ್ಲಿಕ್ ಮಾಡಿದರೆ, ಕನ್ನಡ ಎಂಬ option ಸಿಗುತ್ತದೆ. ಸೆಲೆಕ್ಟ್ ಮಾಡಿ.

8. ಕಡೆಯದಾಗಿ, ಎಲ್ಲಾ ಪಾಪ್ ಅಪ್ ಗಳಿಗೂ ok ಆದೇಶ ನೀಡುತ್ತಾ ಬನ್ನಿ. ಒಂದು ಹಂತದಲ್ಲಿ ನಿಮ್ಮ ಎಕ್ಸ್ ಪಿ ಸೀಡಿಯಿಂದ ಅಥವಾ ನೀವು ಡೌನ್ ಲೋಡ್ ಮಾಡಿಕೊಂಡ ವಿಂಡೋಸ್ ಕನ್ನಡ IME ಫೈಲಿಂದ ಕಂಪ್ಯೂಟರ್ ತನಗೆ ಅಗತ್ಯವಿರುವ ಫೈಲ್ ಗಳನ್ನು ಇನ್ಸ್ಟಾಲ್ ಮಾಡಿಕೊಳ್ಳುತ್ತದೆ. ಇನ್ನು ನೀವು ಟೈಪ್ ಮಾಡುವುದಷ್ಟೇ ಬಾಕಿ.

9. ಇಷ್ಟಾದ ಮೇಲೆ ಬ್ರೌಸರ್ ಅಥವಾ ನೋಟ್ ಪ್ಯಾಡ್ ಅಥವಾ ವರ್ಡ್ ಪ್ಯಾಡ್ ತೆರೆಯಿರಿ.

10. ಅಲ್ಲಿ Alt ಕೀ ಒತ್ತಿ ಹಿಡಿದು Shift ಕೀ ಒತ್ತಿದರೆ, ಕನ್ನಡ ಟೈಪ್ ಮಾಡಬಹುದು. ಮತ್ತೊಮ್ಮೆ ಇದೇ ರೀತಿ ಮಾಡಿದರೆ english ಟೈಪ್ ಮಾಡಬಹುದು. ಇದು toggle option. ನಿಮ್ಮ ಕಪ್ಯೂಟರ್ ವಿಂಡೋದ ಕೆಳ-ಬಲ-ತುದಿಯ ಸಿಸ್ಟಂ ಟ್ರೇ ಪಕ್ಕ EN ಅಥವಾ KN ಎಂಬ ಲಾಂಗ್ವೇಜ್ ಬಾರ್ ಕಾಣಿಸುತ್ತದೆ. EN ಟಾಗಲ್ ಆದಾಗ ಇಂಗ್ಲೀಷ್ ಅಕ್ಷರವೂ, KN ಟಾಗಲ್ ಆದಾಗ ಕನ್ನಡ ಅಕ್ಷರವೂ ಮೂಡುತ್ತದೆ.

11. ಈ ಪದ್ಧತಿ ಬಳಸಿ ನೀವು ಯಾವುದೇ ವೆಬ್ ಪುಟದಲ್ಲಿ, ಬ್ಲಾಗಿನಲ್ಲಿ, ಪ್ರತಿಕ್ರಿಯೆ ನೀಡುವಲ್ಲಿ ಅಥವಾ ಬಹುತೇಕ ವಿಂಡೋಸ್ ಸಾಫ್ಟ್ ವೇರುಗಳಲ್ಲಿ ನೇರವಾಗಿ ಕನ್ನಡ ಟೈಪ್ ಮಾಡಬಹುದು. ಅಥವಾ ನೀವು ಟೈಪ್ ಮಾಡಿದ್ದನ್ನು ಬೇಕಾದಲ್ಲಿಗೆ ಕಾಪಿ-ಪೇಸ್ಟ್ ಮಾಡಬಹುದು.

ಒಮ್ಮೆ ವಿಂಡೋಸ್ XPಯಲ್ಲಿ ಯುನಿಕೋಡ್ ಇನ್ಸ್ಟಾಲ್ ಮಾಡಿದರೆ, ನೀವು toggle ಮಾಡುವುದಷ್ಟೇ ಕೆಲಸ.

ಸಚಿತ್ರ ವಿವರಗಳಿಗೆ ಇಲ್ಲಿ ಕ್ಲಿಕ್ ಮಾಡಿ.

6. ಗೂಗಲ್ಲಿನ ಸರಳ ಕನ್ನಡ Bookmarklet : ಭಾರತೀಯ ಭಾಷಾ ಟೂಲ್ ಅಭಿವೃದ್ಧಿಯಲ್ಲಿ ಗೂಗಲ್ ಇನ್ನೂ ಒಂದು ಹೆಜ್ಜೆ ಮುಂದೆ ಬಂದಿದೆ. ಕೆಲ ತಿಂಗಳ ಹಿಂದೆ ಕನ್ನಡ ಸೇರಿದಂತೆ ಭಾರತೀಯ ಭಾಷೆಗಳಿಗೆ ಗೂಗಲ್ ಲಿಪ್ಯಂತರ (Transliteration) ಟೂಲ್ ನೀಡಿತ್ತು ತಾನೇ? ಆದರೆ, ಆ ಟೂಲ್ ಗೂಗಲ್ ಒಡೆತನದ ಜಿಮೇಲ್, ಬ್ಲಾಗರ್ ಮುಂತಾದ ಸೈಟುಗಳಲ್ಲಿ ಮಾತ್ರ ಕೆಲಸ ಮಾಡುತ್ತಿತ್ತು. ಇದೀಗ, ಕನ್ನಡ ಬುಕ್ಮಾರ್ಕ್-ಲೆಟ್ ಎಂಬ ವಿನೂತನ ಟೂಲನ್ನು ಗೂಗಲ್ ಬಿಡುಗಡೆ ಮಾಡಿದೆ. ಈ ಟೂಲಿಂದ ಯಾವುದೇ ಸೈಟಿನಲ್ಲಿ ಬೇಕಾದರೂ ಕನ್ನಡ ಅಥವಾ ಇತರ ಭಾರತೀಯ ಭಾಷೆಯನ್ನು ಸುಲಭವಾಗಿ ಟೈಪ್ ಮಾಡಬಹುದು. ಕನ್ನಡ ಟೈಪ್ ಮಾಡಲು ಹೆಣಗಾಡುವ ಎಲ್ಲರಿಗೂ ಈ ಟೂಲ್ ನಿಜಕ್ಕೂ ಒಂದು ವರ. ಮಾಹಿತಿ ಇಲ್ಲಿದೆ.
C. ಕನ್ನಡ ಟೈಪಿಸುವ 4 ಕೀಬೋರ್ಡ್ ವಿನ್ಯಾಸಗಳ ಪುಟ್ಟ ಮಾಹಿತಿ.

ಕನ್ನಡ ಟೈಪಿಸಲು ಹಲವಾರು ರೀತಿಯ ಕೀಬೋರ್ಡ್ ವಿನ್ಯಾಸಗಳಿವೆ. ನಿಮ್ಮ ಮಟ್ಟಕ್ಕೆ ಸರಿಯಾಗಿ ಯಾವುದನ್ನು ಬೇಕಾದರೂ ಬಳಸಬಹುದು. ಈ ಕೆಳಗಿನ 4 ಕೀಬೋರ್ಡ್ ವಿನ್ಯಾಸದಲ್ಲಿ ಒಂದು ನಿಮಗೆ ಸೂಕ್ತ ಎನಿಸಬಹುದು. ಆಯ್ದುಕೊಳ್ಳಿ.

ಬರಹ ಕೀಬೋರ್ಡ್ ವಿನ್ಯಾಸ:
ಬಹಳ ಜನರಿಗೆ ಗೊತ್ತಿರುವ ಸುಲಭದ ಕೀಬೋರ್ಡ್ ವಿನ್ಯಾಸ ಇದು. ಇದನ್ನು ಬರಹ IME ಹಾಗೂ ಬರಹಪ್ಯಾಡ್ ಟೂಲಲ್ಲಿ ಬಳಸಬಹುದು.

ಕಗಪ ಕೀಬೋರ್ಡ್:
ಇದು ನುಡಿ ಸಾಫ್ಟ್ ವೇರಿನ ಕೀಬೋರ್ಡ್. "ನುಡಿ" ಬಳಸುವವರಿಗೆ ಇದು ಅನುಕೂಲ.

ಗೂಗಲ್ ಟ್ರಾನ್ಸ್ ಲಿಟರೇಶನ್ ಕೀಬೋರ್ಡ್ ವಿನ್ಯಾಸ
Using phonetic typing, the user can type his message in Roman using the Standard English keyboard, which is transliterated on-the-fly to Kannada. It works on the logic of phonetics and is most effective when you spell the word the way it is spoken. ಗೂಗಲ್ ಈಮೇಲ್, ಬ್ಲಾಗರ್ ಮುಂತಾದ ಗೂಗಲ್ ಸೇವೆಯಲ್ಲಿ, ಗೂಗಲ್ ಟ್ರಾನ್ಸ್ ಲಿಟರೇಶನ್ ಟೂಲ್ ಹಾಗೂ ಕ್ವಿಲ್ ಪ್ಯಾಡ್-ನಲ್ಲಿ ಇದನ್ನು ಬಳಸಬಹುದು.

ಇನ್ ಸ್ಕ್ರಿಪ್ಟ್ ಕೀಬೋರ್ಡ ಲೇ ಔಟ್ :
ಭಾರತೀಯ ಭಾಷೆಯ ಸಾಫ್ಟ್ ವೇರುಗಳನ್ನು ಅಭಿವೃದ್ಧಿ ಪಡಿಸಿದ ಸಿಡಾಕ್ ಸರ್ಕಾರಿ ಸಂಸ್ಥೆ ಅಭಿವೃದ್ಧಿ ಪಡಿಸಿದ ಕೀಬೋರ್ಡ ಇದು. A Kannada Keyboard where the user types the basic characters in sequence and an underlying logic determines that which of these characters have to be combined and substituted to form a glyph. ಕೀಬೋರ್ಡ್ ವಿನ್ಯಾಸ ಹೀಗಿದೆ ನೋಡಿ. ಇದನ್ನು ಒಂದೆರಡು ದಿನ ಪ್ರಾಕ್ಟಿಸ್ ಮಾಡಿದರೆ, ವೇಗವಾಗಿ ಟೈಪ್ ಮಾಡಬಹುದು.

ಟೈಪ್ ರೈಟರ್ ಕೀಬೋರ್ಡ್ ಲೇಔಟ್:
ಕನ್ನಡ ಟೈಪ್ ರೈಟಿಂಗ್ ಯಂತ್ರದ ಕೀಬೋರ್ಡ್ ಲೇ ಔಟ್ ಇದು. ಟೈಪ್ ಟೈರಿಂಗ್ ಶಾಲೆಯಲ್ಲಿ ಕಲಿತ ಬೆರಳಚ್ಚು ವಿಧಾನಕ್ಕೆ ಇದು ಸೂಕ್ತ.
ಹೆಚ್ಚಿನ ಮಾಹಿತಿಗೆ:
http://glocalfunda.blogspot.com

ಐಐಟಿಯ ಪಾಠಗಳು ಯುಟ್ಯೂಬ್‌ನಲ್ಲಿ

ಐಐಟಿ ಮತ್ತು ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಸಯನ್ಸ್ ಸಂಸ್ಥೆಗಳು ತಮ್ಮ ಪ್ರೊಫೆಸರುಗಳ ಉಪನ್ಯಾಸಗಳ ಮಾಲಿಕೆ ಸಿದ್ಧಪಡಿಸಿ,ಯುಟ್ಯೂಬಿನ youtube.com/iit ವಿಳಾಸ ಮೂಲಕ ಜನರಿಗೆ ಒದಗಿಸುತ್ತಿವೆ.ಯಾರೂ ಬೇಕಾದರೂ ಆನ್‌ಲೈನಿನಲ್ಲಿ ಇವನ್ನು ನೋಡಬಹುದು.ದೇಶದ ಅತ್ಯುತ್ತಮ ಶಿಕ್ಷಕರ ಉಪನ್ಯಾಸಗಳು,ಕಂಪ್ಯೂಟರ್ ತೆರೆಯ ಮೇಲೆ ಮೂಡಿಬರುವ ಅನುಕೂಲ ಅಂತರ್ಜಾಲವಲ್ಲದಿದ್ದರೆ ಸಿಗುತ್ತಿತ್ತೇ?ಇಂತಹ ವಿಡಿಯೋಗಳ ಸಂಖ್ಯೆ ಐದು ಸಾವಿರವನ್ನು ಸಮೀಪಿಸಿದೆ.ಸದ್ಯಕ್ಕೆ ಇವನ್ನು ಡೌನ್‌ಲೋಡ್ ಮಾಡಿಕೊಳ್ಳಲು ಆಗದು.ಆದರೆ ಮುಂಬರುವ ದಿನಗಳಲ್ಲಿ ಅದಕ್ಕೂ ಅನುವು ಸಿಗಬಹುದು.ಈ ವಿಡಿಯೋ ಪಾಠಗಳು ಇಂಜಿನಿಯರಿಂಗ್ ಮತ್ತು ವಿಜ್ಞಾನ ವಿದ್ಯಾರ್ಥಿಗಳಿಗೆ ಹೇಳಿ ಮಾಡಿಸಿದಂತಿವೆ.ಕಾಲೇಜಿನಲ್ಲಿ ಪಾಠಗಳು ಚೆನ್ನಾಗಿ ನಡೆಯದಿದ್ದರೇನಾಯಿತು-ಅಂತರ್ಜಾಲ ಸಂಪರ್ಕ ಇದ್ದರೂ ಸಾಕು ಎನ್ನುವ ಕಾಲ ಬಂತು ನೋಡಿ.

ಇಲ್ಲಿರೋದು ಬರೀ ಇನ್ವಿಟೇಶನ್ಸ್, ಪ್ರೋಗ್ರಾಮ್ಸ್ ಇಷ್ಟೇನೆ, ಪಂಚರಂಗಿ ಪಾಂ..ಪಾಂ..

Invitations

ಲೈಫು ಇಷ್ಟೇನೆ.. ಅಂತ ಸುಸ್ತಾಗಿ ನಮ್ಮ ಗೂಡಲ್ಲಿ ಅಡಗಿಕೊಳ್ಳಲು ತಯಾರಾಗುವಾಗ ಅದರಿಂದ ಹೊರಗೆ ಎಳೆಯಲು ಎಷ್ಟೊಂದು ಕಾರ್ಯಕ್ರಮಗಳು. ಪುಸ್ತಕ ಬಿಡುಗಡೆ ಜೊತೆಗೆ ಉಪ್ಪಿಟ್ಟು, ಕಾಫಿ..ಡ್ಯಾನ್ಸ್ ಷೋ ಜೊತೆಗೆ ಒಂದಿಷ್ಟು ಕೇಸರಿಬಾತ್, ಆರ್ಟ್ ಎಗ್ಸಿಬಿಶನ್ ಜೊತೆಗೆ ಒಂದಿಷ್ಟು ಗಾಢ ಮೌನ, ನಾಟಕದ ಷೋ  ಅಂದ್ರೆ ಹರಟೆ ಹೊಡೆಯಲು ಸಾಕಷ್ಟು ಗೆಳೆಯರು..

ಏನೆಲ್ಲಾ…
ಜೆ ಪಿ ನಗರದ ರಂಗ ಶಂಕರ ರಾಜಾಜಿನಗರಕ್ಕೆ ದೂರ, ಮಲ್ಲೇಶ್ವರಂ ಸೇವಾ ಸದನ ಗಾಂಧೀ ಬಜಾರ್ ಗೆ ದೂರ, ಚೌಡಯ್ಯ ಹಾಲ್ ಹೋಗೋದೇ ಬೇಡ.. ಎನ್ನುವಷ್ಟು ದೂರಗಳು ಟ್ರಾಫಿಕ್ ನಿಂದ ಹುಟ್ಟಿಕೊಂಡಿದೆ
ಹಾಗಾಗಿ ‘ನಿಮ್ಮ ಏರಿಯಾಲ್ ಒಂದಿನ’ ಏನೇನಾಗುತ್ತೆ ಅನ್ನೋ ಲಿಸ್ಟ್ ಇಲ್ಲಿ ಸಿಗುತ್ತೆ, ಬೇರೆ ಏರಿಯಾಗೂ ಬನ್ನಿ ಅಂತ ಕರೆಯೋ ಆಹ್ವಾನಗಳೂ ಇಲ್ಲಿರುತ್ತೆ. ಅಷ್ಟೇ ಅಲ್ಲ, ಬೆಂಗಳೂರು ಬಿಟ್ಟು ಎಲ್ಲೆಲ್ಲೋ ನಡೆಯೋ ಎಲ್ಲಾ ಕಾರ್ಯಕ್ರಮವೂ ಇಲ್ಲಿರುತ್ತೆ.
ಹಾಗಾಗಿ ,

ದಯವಿಟ್ಟು ತಪ್ಪದೇ ಹೋಗಿ ಬನ್ನಿ.

http://invitationsblog.wordpress.com/

ಭಾರತೀಯ ರುಪಾಯಿ ಲಾಂಚನ ಪಾಂಟ್

New Rupee Symbol of India
Step-1	Download the Rupee Font from http://karunadu.gov.in/Documents/Rupee.ttf
Step-2	Install to Fonts folder of your System (It is easy. Just copy the font and paste it in "Fonts" folder in the Control Panel)
Step-3	Open Your Word Processor and Select the Rupee Font
Step-4
	Top