ಕಾನೂನು ದುರುಪಯೋಗ ನಿಲ್ಲಿಸಿ

ವರದಕ್ಷಿಣೆ ವಿರೋಧಿ ಕಾನೂನು ನಮ್ಮ ದೇಶದಲ್ಲಿ ಅಸ್ತಿತ್ವದಲ್ಲಿದೆ. ಈ ಕಾನೂನು ಎಷ್ಟು ತೀಕ್ಷ್ಣವಾಗಿದೆಯೆಂದರೆ ಇದರ ಉಪಯೋಗದ ಜೊತೆ ದುರುಪಯೋಗವೂ ತುಂಬ ಆಗುತ್ತಿದೆ. ಈ ಕಾನೂನು ಪ್ರಕಾರ ಯಾವುದೇ ಹೆಂಗಸು ತನ್ನ ಗಂಡ, ಮಾವ, ಅತ್ತೆ ಯಾ ಗಂಡನ ಹತ್ತಿರದ ಸಂಬಂಧಿಗಳ ವಿರುದ್ಧ ವರದಕ್ಷಿಣೆ ವಿರೋಧಿ ಕಾನೂನು ಪ್ರಕಾರ ದೂರು ಸಲ್ಲಿಸಿದರೆ ಅವರನ್ನು ಜಾಮೀನು ರಹಿತವಾಗಿ ಬಂಧಿಸಲಾಗುವುದು. ಅವರು ನಿರಪರಾಧಿ ಎಂದು ತೀರ್ಮಾನವಾಗುವಾಗ ಕನಿಷ್ಠ ೫ ವರ್ಷಗಳಾಗಿರುತ್ತವೆ. ಈ ಕಾನೂನಿಗೆ ಕೆಲವು ಮಾರ್ಪಾಡುಗಳನ್ನು ತರಬೇಕು ಎಂದು ಹಲವು ಮಂದಿ ಒತ್ತಾಯಿಸುತ್ತಿದ್ದಾರೆ. ಈ ಕಾನೂನಿನ ದುರುಪಯೋಗಕ್ಕೆ ಸಿಲುಕಿ ನೊಂದವರಿಗಾಗಿ ಹಾಗೂ ಇತರರಿಗೆ ಮಾಹಿತಿಗಾಗಿ ಒಂದು ಜಾಲತಾಣವಿದೆ. ಅದರ ವಿಳಾಸ www.498a.org. ಮನೆಗಳಲ್ಲಿ ನಡೆಯುವ ಹಿಂಸೆಯ ವಿರುದ್ಧ ಇತ್ತೀಚೆಗೆ ಅಸ್ತಿತ್ವಕ್ಕೆ ಬಂದಿರುವ ಹೊಸ ಕಾನೂನಿನ ಬಗ್ಗೆಯೂ ಇದೇ ಜಾಲತಾಣದಲ್ಲಿ ಒಂದು ವಿಭಾಗವಿದೆ.